အပြည်ပြည်ဆိုင်ရာသက်ကြီးရွယ်အိုများနေ့ကျင်းပခြင်း

    ကုလသမဂ္ဂ အထွေထွေ ညီလာခံ၏ (၅၂)ကြိမ်မြောက် ညီလာခံမှ အတည်ပြု ဆုံးဖြတ်ချက်နှင့် (၃၅)ကြိမ်မြောက် လူမှုဖွံ့ဖြိုး တိုးတက်ရေး ဆိုင်ရာ ကော်မရှင်တို့၏ ထောက်ခံချက် များအရ ကုလသမဂ္ဂ စီးပွားရေးနှင့် လူမှုရေး ကောင်စီသည် ၁၉၉၇ခုနှစ်၊ ဇူလိုင်လ(၂၁)ရက် နေ့တွင် ဆုံးဖြတ်ချက် ၁၉၉၇/ ၁၈ ဖြင့်    “  International Years of Older Persons towards a society for all ages  ”   ဟူသော ဆောင်ပုဒ်ဖြင့် ၁၉၉၉ခုနှစ်ကို သက်ကြီးရွယ်အို များနှစ်နှင့် အောက်တိုဘာလ (၁)ရက်နေ့ကို အပြည်ပြည် ဆိုင်ရာ သက်ကြီး ရွယ်အိုများနေ့ အဖြစ် သတ်မှတ်ခဲ့ပါသည်။

မြန်မာနိုင်ငံသည် ၁၉၉၉ခုနှစ် မှစတင်၍ နှစ်စဉ် အောက်တိုဘာလ (၁)ရက်နေ့ကို “အပြည်ပြည်ဆိုင်ရာ သက်ကြီးရွယ်အိုများနေ့”အဖြစ် သတ်မှတ်ပြီး ဂုဏ်ပြုအခမ်းအနား ကျင်းပခဲ့ပါသည်။ အဆိုပါ အခမ်းအနားကို နိုင်ငံတော် အခမ်းအနား တစ်ခုအဖြစ် သတ်မှတ်ကာ နှစ်စဉ် ကျင်းပခဲ့ရာ (၁၃)ကြိမ်မြောက် ကျင်းပ ပြီးစီးခဲ့ပြီ ဖြစ်ပါသည်။

အခမ်းအနားသို့ သက်ကြီးရွယ် အိုများအား တက်ရောက်စေပြီး အလှူငွေ၊ ဆေးပစ္စည်းနှင့် အသုံးအဆောင်ပစ္စည်းများ ချီးမြှင့်ခြင်း၊ လူမှုဝန်ထမ်းဦးစီးဌာနမှ အသိအမှတ် ပြုထားသည့် ဘိုးဘွားရိပ်သာ များသို့ အလှူငွေများ ပေးအပ်ခြင်းနှင့် မြန်မာ တစ်နိုင်ငံလုံးရှိ အသက်အကြီးဆုံး အဘိုး(၁)ဦးနှင့် အဘွား(၁)ဦးကိုလည်း အလှူငွေများ ပေးအပ်ခြင်းတို့ကို ဆောင်ရွက်ခဲ့ပါသည်။ ပြည်နယ်/တိုင်း ဒေသကြီးများ တွင်လည်း အောက်တိုဘာလ (၁)ရက်နေ့တွင်  “အပြည်ပြည် ဆိုင်ရာ သက်ကြီး ရွယ်အိုများနေ့ ”အခမ်းအနားကို ကျင်းပကြပါသည်။

 

Image removed.