​နေပြည်တော်၊ ၂၂.၁.၂၀၁၉   

လူမူဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးအား UNFPA မှ မြန်မာနိုင်ငံဆိုင်ရာကိုယ်စား လှယ်အဖြစ်စတင် တာဝန်ထမ်းဆောင်လျက်ရှိသော Mr. Ramanathan Balakrishnan ဦးဆောင်သောအဖွဲကို အဆိုပါ ဝန်ကြီးဌာန မေခလာခန်းမတွင် လက်ခံတွေ့ဆုံခဲ့ပါသည်။

UNFPA နှင့်တွေ့ဆုံရာတွင် ဝန်ကြီးဌာနက Life-Cycle approach ဖြင့် ဆောင်ရွက်လျက်ရှိသည့် လူမှုကာကွယ်စောင့်ရှောက်ရေးလုပ်ငန်းများ၊ ဘေးအန္တရာယ်စီမံ ခန့်ခွဲရေးကိစ္စများတွင် UNFPA မှပူးပေါင်းပါဝင်ဆောင်ရွက်နိုင်မည့်ကိစ္စရပ်များ၊ လူငယ်မူဝါဒ အားရေးဆွဲအတည်ပြုနိုင်ခဲ့ပြီးနောက် လုပ်ငန်းစီမံချက်များဖြင့် ဆက်လက်အကောင် အထည်ဖေါ်ရာတွင် ပြည်ထောင်စုအဆင့်၊ တိုင်းဒေသကြီး/ ပြည်နယ်အဆင့်တို့တွင် ဆက်လက်ဆောင်ရွက်လျှက်ရှိသည့် ကိစ္စရပ်များ၊ အမျိုးသမီးများအကြမ်းဖက်ခံရမှုမှကာကွယ် တားဆီးရေးဆိုင်ရာ ဥပဒေရေးဆွဲဆောင်ရွက်နေမှု အခြေအနေများ၊ ကျား/မတန်းတူညီမျှ ရေး ဆိုင်ရာ ကိစ္စရပ်များ၊ အမျိုးသမီးများအပေါ်အကြမ်းဖက်မှု ရပ်တန့်ရေး(၁၆)ရက်တာ လှုပ်ရှားမှုကျင်းပဆောင်ရွက်ခဲ့မှုများ၊ ကလေးသူငယ်အခွင့်အရေးဆိုင်ရာဥပဒေပြင်ဆင်ရေး ဆွဲဆောင်ရွက်မှု အခြေအနေများ၊ လိင်မှုဆိုင်ရာအကြမ်းဖက်မှု ခံစားခဲ့ရသူများအတွက် စိတ်ကျန်းမာရေး၊ စိတ်လူမှုအထောက်အပံ့များ ထိရောက်စွာ ဆောင်ရွက်နိုင်ရေးကိစ္စရပ် များနှင့် စပ်လျဉ်း၍ ဆွေးနွေးခဲ့ကြရာ ပြည်ထောင်စုဝန်ကြီးက ပြည်သူများအတွက် ထိရောက်သောအကျိုးဖြစ်ထွန်းမှု ရရှိမည့်အပေါ်အခြေခံ၍ ဆက်လက်ပူးပေါင်းဆောင်ရွက်သွားမည် ဖြစ်ကြောင်းဆွေးနွေး ခဲ့ကြကြောင်း သတင်းရရှိပါသည်။