လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန
၁ ဇန်နဝါရီ၊ ကော့သောင်းမြို့ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စု ဝန်ကြီးဒေါက်တာဝင်းမြတ်အေးသည် ကော့သောင်းမြို့ရှိ ဘိုးဘွားရိပ်သာနှင့် မလိဝမ်းကျေးရွာရှိ ရွှေတောင်ဦး ပရဟိတဂေဟာများသို့ သွားရောက်ကာ ထောက်ပံ့မှုများကို ဆောင်ရွက်ခဲ့ပါသည်။ ပြည်ထောင်စုဝန်ကြီး ဒေါက်တာဝင်းမြတ်အေးနှင့်အဖွဲ့သည် ယနေ့နံနက်ပိုင်းတွင် ကော့သောင်းမြို့ ပြည်တော်အေးစေတီနှင့် အောင်တော်မူစေတီများသို့ သွားရောက်ဖူးမြော်ပြီး အလှူငွေများ ပေးအပ်လှူဒါန်းခဲ့ပါသည်။
၃၁ ဒီဇင်ဘာ၊ ကော့သောင်းမြို့ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ၊ ပြည်ထောင်စု ဝန်ကြီးဒေါက်တာဝင်းမြတ်အေးသည် ဒုတိယဝန်ကြီး ဦးစိုးအောင်၊ တနင်္သာရီတိုင်းဒေသကြီး သယံဇာတနှင့် ပတ်ဝန်းကျင်ထိန်းသိမ်းရေးဝန်ကြီး ဦးမြင့်မောင်၊ တိုင်းရင်းသားရေးရာဝန်ကြီး ဦးစောလုကာနှင့် တာဝန်ရှိသူများလိုက်ပါလျက် ဆလုံ လူမျိုးများနေထိုင်ရာ ဇာဒက်ကြီးကျွန်း၊ ဂျလန်းကျွန်းနှင့် မကြုံကလက်ကျွန်းများတွင် လူမှုကာကွယ်စောင့်ရှောက်ရေးလုပ်ငန်းများနှင့် ထောက်ပံ့မှုများကို ဆောင်ရွက်ခဲ့ပါသည်။
၃၀ ဒီဇင်ဘာ၊ ကော့သောင်းမြို့ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ၊ ပြည်ထောင်စု ဝန်ကြီးဒေါက်တာဝင်းမြတ်အေးနှင့် အဖွဲ့သည် ယနေ့မွန်းလွဲပိုင်းတွင် တနင်္သာရီတိုင်းဒေသကြီး၊ ကော့သောင်းမြို့၊ မဉ္ဇူသကခန်းမ၌ လူမှုကာကွယ်စောင့်ရှောက်ရေးလုပ်ငန်းများကို ဆောင်ရွက် ခဲ့ပါသည်။
နေပြည်တော်၊ ၃-၁-၂၀၁၉
လူမှုဝန်ထမ်းဦးစီးဌာနနှင့် နားလည်မှုစာချွန်လွှာ လက်မှတ်ရေးထိုးဆောင်ရွက် လျက်ရှိသည့် AAR Japan အကူအညီပေးရေးနှင့် ပြန်လည်ထူထောင်ရေးအသင်းသည် ဆောင်ရွက်ချက်များ၏ တိုးတက်မှုအခြေအနေများနှင့် နားလည်မှုစာချွန်လွှာ ပြင်ဆင် ဖြည့်စွက်လိုမှုကို ၂၀၁၉ခုနှစ်၊ ဇန်နဝါရီလ (၃)ရက်နေ့၌ လူမှုဝန်ထမ်းဦးစီးဌာန၊ ညွှန်ကြားရေးမှူးချုပ် ဒေါက်တာစန်းစန်းအေးအား ညွှန်ကြားရေးမှူးချုပ်ရုံးခန်း၌ လာရောက်ဆွေးနွေးခဲ့ရာ နှစ်ဖက်မှ တာဝန်ရှိသူများ တက်ရောက်ခဲ့ကြပါသည်။
