နေပြည်တော်၊ မေ(၉) -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မေခလာခန်းမတွင် မေလ ၉ရက်နေ့‌ နေ့လည်(၁၃း၀၀)နာရီအချိန်က ပြည်ထောင်စုဝန်ကြီး ဒေါက်တာဝင်းမြတ်အေးအား ပက်-မြန်မာ အဖွဲ့အစည်းမှ မြန်မာနိုင်ငံဆိုင်ရာ ညွှန်ကြားရေးမှူးဖြစ်သူ Mr.Richard Harrison ဦးဆောင်သောအဖွဲ့မှ လာရောက်တွေ့ဆုံခဲ့ပါသည်။ ထိုသို့တွေ့ဆုံရာ၌ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနနှင့် ပတ်-မြန်မာအဖွဲ့အစည်းတို့ ပူးပေါင်းဆောင်ရွက်ရာတွင် အောင်မြင်မှုများစွာ ရရှိခဲ့ပါသည်။

နေပြည်တော်၊ မေ (၄) -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မေခလာခန်းမတွင် မေလ ၄ရက်နေ့‌ နေ့လည်(၁၃း၀၀)နာရီအချိန်က ပြည်ထောင်စုဝန်ကြီး ဒေါက်တာဝင်းမြတ်အေးအား UN-Habitat မှ Country Programme Mananger ဖြစ်သူ Mr.Bijay Karmacharya ဦးဆောင်သောအဖွဲ့မှ လာရောက် တွေ့ဆုံခဲ့ပါသည်။

နေပြည်တော်၊ မေ(၃) -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ မေခလာ ခန်းမတွင် မေလ ၃ ရက်နေ့၊ နံနက် (၀၉း၃၀) နာရီအချိန်က ပြည်ထောင်စုဝန်ကြီး ဒေါက်တာ ဝင်းမြတ်အေး အား UNOCHA မှ Head of Officeဖြစ်သူ Mr.Mark Cutts ဦးဆောင်သော အဖွဲ့မှ လာရောက်တွေ့ ဆုံခဲ့ပါသည်။

နေပြည်တော်၊ မေလ (၂) -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မေခလာခန်းမတွင် မေလ၂ ရက်နေ့ နေ့လည်(၁၅း၃၀)နာရီအချိန်က ပြည်ထောင်စုဝန်ကြီး ဒေါက်တာဝင်းမြတ်အေးအား USAID မှ Administrator ဖြစ်သူ Ms. Gayle Smith ဦးဆောင်၍ မြန်မာနိုင်ငံဆိုင်ရာ အမေရိကန်သံအမတ်ကြီး H.E Mr. Scot Marcielနှင့်အဖွဲ့ဝင်(၉)ဦးမှ လာရောက်တွေ့ဆုံခဲ့ပါသည်။

နေပြည်တော်၊ မေလ ၁ ရက် -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စု ဝန်ကြီး ဒေါက်တာဝင်းမြတ်အေးသည် ၁.၅.၂၀၁၆ ရက်နေ့၊ မွန်းလွဲပိုင်းတွင် ကယ်ဆယ်ရေးနှင့်ပြန်လည် နေရာချထားရေးဦးစီးဌာန၊ ညွှန်ကြားရေးမှူးချုပ်နှင့် ဌာနဆိုင်ရာတာဝန်ရှိသူများနှင့်အတူ မန္တလေးတိုင်း ဒေသကြီး၊ ရမည်းသင်းခရိုင်၊ ရမည်းသင်းမြို့၊ ထီးလှိုင်ကျေးရွာအုပ်စု၊ ဆည်တိုရွာသို့ ရောက်ရှိပြီး ၃၀-၄-၂၀၁၆ ရက်နေ့က ဖြစ်ပွားခဲ့သော လေဘေးကြောင့် ဘေးဒုက္ခကြုံတွေ့ရသည့် လေဘေးသင့်ပြည်သူများအား တွေ့ဆုံအားပေးစကား ‌ပြောကြားကာ ပြိုကျနေအိမ်(၃)လုံးအတွက် ကျပ် (၁.၅) သိန်း၊ကယ်ဆယ်ရေးပစ္စည်းနှင့် အသင့်စားခေါက်ဆွဲထုပ်များအားလည်းကောင်း၊ တစ်စိတ်တစ်ပိုင်း ပျက်စီးနေအိမ် (၃၉)လုံးအတွက် ကျပ် (၇.၈) သိန်းအားလည်းကောင်း၊ ကလေးငယ်များအတွက် ကစားစရာအရုပ်များအားလည်းကောင်း ထောက်ပံ့ပေး အပ်ခဲ့ပါသည်။

နေပြည်တော်၊ ဧပြီ (၂၉) -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မေခလာခန်းမတွင် ဧပြီလ ၂၉ရက်နေ့ နေ့လည်(၁၃း၀၀)နာရီအချိန်က ပြည်ထောင်စုဝန်ကြီး ဒေါက်တာဝင်းမြတ်အေးအား Head of UN Women ဖြစ်သူ Dr.Jean D’Cunha မှ လာရောက်တွေ့ဆုံခဲ့ပါသည်။ ထိုသို့တွေ့ဆုံရာ၌ မြန်မာနိုင်ငံရှိ ကျား၊ မ အ‌ခြေအနေ လေ့လာဆန်းစစ်မှုစစ်တမ်းကိစ္စ၊ အမျိုးသမီးများအပေါ် အကြမ်းဖက်မှုမှ တားဆီးကာကွယ်ရေးနှင့် ကာကွယ်စောင့်ရှောက်ရေး ဥပဒေစပ်လျဉ်းသည့်ကိစ္စ အမျိုးသမီးများအား နည်းမျိုးစုံဖြင့်ခွဲခြားမှု ပပျောက်ရေး ဆိုင်ရာ ကုလသမဂ္ဂကွန်ဗေးရှင်း စတုတ္ထနှင့်ပဉ္စမအကြိမ် ပူးတွဲအစီရင်ခံစာနှင့် စပ်လျဉ်းသည့်ကိစ္စ၊ နားလည်မှု စာချွန်လွှာ ရေးထိုးမည့်ကိစ္စ၊ အမျိုးသမီးများဖွံ့ဖြိုးတိုးတက်ရေးဆိုင်ရာ အမျိုးသားအဆင့် မဟာဗျူဟာစီမံကိန်း (၂၀၁၃-၂၀၂၂)နှင့်စပ်လျဉ်း၍ ရင်းနှီးပွင့်လင်းစွာ ဆွေးနွေးခဲ့ပါသည်။

နေပြည်တော်၊ ၂၉.၄.၂၀၁၆ -

      လူမှုဝန်ထမ်း၊ ကယ်ဆယ်ရေးနှင်‌့ ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးသည် ယနေ့နံနက်(၁၀း၀၀)နာရီက ဝန်ကြီးဌာနစုပေါင်းခန်းမ၌ ဝန်ကြီးဌာန လက်အောက်ရှိ အရာထမ်း၊ အမှုထမ်းများနှင်‌့တွေ့ဆုံ၍ အဖွင်‌့အမှာစကား ပြောကြားရာတွင် ဝန်ထမ်းများအနေဖြင်‌့ ထမ်းဆောင်ရမည်‌့တာဝန်၊ လိုက်နာရမည်‌့စည်းကမ်း၊ စောင်‌့ထိန်းရမည်‌့ ကျင်‌့ဝတ်များကို တိတိကျကျ လိုက်နာဆောင်ရွက်ရမည်ဖြစ်ကြောင်း၊ အလုပ်နေရာတစ်နေရာရခြင်း သည် ရာထူးရတာမဟုတ်ဘဲ တာဝန်တစ်ခုရတာသာဖြစ်ကြောင်း၊ မိမိတို့တာဝန်ကို ကျေပွန်စွာ ထမ်းဆောင်ရန် လိုအပ်ကြောင်း၊ မိမိတာဝန်ကို မိမိတို့သိပြီး လိုအပ်ချက်များကို ကိုယ်တိုင်ပြုပြင်ရမှာဖြစ်ကြောင်း၊

၁။ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးသည် ကယ်ဆယ်ရေးနှင့် ပြန်လည်နေရာချထားရေးဦးစီးဌာန ညွှန်ကြားရေးမှူးချုပ်၊ လွှတ်တော်ကိုယ်စားလှယ်များ၊ ကယ်ဆယ်ရေးနှင့် ပြန်လည်နေရာချထားရေးဦးစီးဌာနမှ ညွှန်ကြားရေးမှူး၊ ခရိုင်/ မြို့နယ်အထွေထွေအုပ်ချုပ်ရေးမှူးများ၊ ဌာနဆိုင်ရာတာဝန်ရှိသူများနှင့်အတူ ၂၈-၄-၂၀၁၆ရက်နေ့ နံနက်ပိုင်းတွင် ရှမ်းပြည်နယ်တောင်ပိုင်း၊ ရွာငံမြို့နယ်၊ မြို့ကြီးကျေးရွာသို့ ရောက်ရှိပြီး ဝေဇယန္တာဓမ္မာရုံတွင် လေဘေးသင့်ပြည်သူများအား တွေ့ဆုံအားပေးစကား ပြောကြားပြီး လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာနမှ ထောက်ပံ့သော ကယ်ဆယ်ရေးပစ္စည်း(၉)မျိုး (၈၂)အိမ်ထောင်စုစာအား လည်းကောင်း၊ နေအိမ်များပြန်လည်ပြုပြင်ရန်အတွက် ထောက်ပံ့ငွေကျပ်(၅၈၆)သိန်းအားလည်းကောင်း၊ သေဆုံးသူ(၁)ဦးအတွက် ထောက်ပံ့ငွေကျပ်(၁)သိန်းအားလည်းကောင်း၊ အသင့်စားခေါက်ဆွဲ‌ခြောက်နှင့် သဘာဝဘေးအန္တရာယ် အသိပညာပေး လက်ကမ်းစာစောင်များအားလည်းကောင်း၊ ကလေးများအတွက် ကစားစရာများအားလည်းကောင်း ထောက်ပံ့ပေးအပ်ခဲ့ပြီး ဒေါ်ခင်ကြည်ဖောင်ဒေးရှင်းမှ ထောက်ပံ့သော ဆန်(၇၂၀)အိတ်၊ ဆီ(၁)လီတာဆံ့(၂၈၈၀)ဗူး၊ ငါးသေတ္တာ (၁၃၈၂၄)ဗူးအား တာဝန်ရှိသူတစ်ဦးမှလည်းကောင်း ထောက်ပံ့ပေးအပ်ခဲ့ပါသည်။

၁။ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးသည် ၂၆-၄-၂၀၁၆ ရက်နေ့ ည(၀၉း၃၀)နာရီတွင် မိုးမိတ်မြို့သို့ ရောက်ရှိပြီး မိုးမိတ်မြို့၊ ရွှေလီ(၃)ဧည့်ရိပ်သာ၌ ကယ်ဆယ်ရေးနှင့် ပြန်လည်နေရာချထားရေးဦးစီးဌာန ညွှန်ကြားရေးမှူးချုပ်၊ လားရှိုးခရိုင် ကယ်ဆယ်ရေးနှင့် ပြန်လည်နေရာချထားရေး ဦးစီးဌာနမှ ဒုတိယညွှန်ကြားရေးမှူး၊ ခရိုင်/မြို့နယ်အထွေထွေအုပ်ချုပ်ရေးမှူးများ၊ ဌာနဆိုင်ရာတာဝန်ရှိသူများနှင့် တွေ့ဆုံ၍ ၂၀၁၆ခုနှစ် ဧပြီလ ၂၂ရက်နေ့မှ ၂၄ရက်နေ့အထိ (၃)ရက်ဆက်တိုက် ဖြစ်ပွားခဲ့သည့် ရှမ်းပြည်နယ် (မြောက်ပိုင်း) မိုးမိတ်မြို့နယ်နှင့် မဘိမ်းမြို့နယ်အတွင်းရှိ လေဘေးသင့်ဒေသများ ပြန်လည် ထူထောင်ရေး လုပ်ငန်းများနှင့် စပ်လျဉ်း၍ ဆွေးနွေးဆောင်ရွက်ခဲ့ပါသည်။

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ဝန်ကြီးဌာန၊ လူမှုဝန်ထမ်း ဦးစီးဌာနမှ ဦးဆောင်၍ သက်ကြီးရွယ်အို များကိုပြုစု စောင့်ရှောက်သူများ အ‌နေဖြင့် စနစ်တကျ ပြုစုစောင့်ရှောက်မှု နည်းပညာများကို ရရှိနိုင်စေရန်နှင့် သင်တန်း တက်ရောက်သူ လူငယ်/လူရွယ် များအတွက် အလုပ်အကိုင် အခွင့်အလမ်းများ ရရှိစေရန် ရည်ရွယ်၍ သက်ကြီးရွယ်အို များအတွက် ပြုစုစောင့်ရှောက်သူ (Care giver) သင်တန်း (အခပေး)၊ အမှတ်စဉ်(၃)ကို သင်တန်းသားတစ်ဦး လျှင် ၅၀၀၀၀ိ/-နှုန်းဖြင့် ရန်ကုန်မြို့၊ သက်ကြီးရွယ်အို နေ့ပိုင်းစောင့်ရှောက်ရေး ဂေဟာ၌ (၃၀.၅.၂၀၁၆) ရက်နေ့မှ (၂၂.၇.၂၀၁၆)ထိ ဖွင့်လှစ်မည် ဖြစ်ပါသည်။