လူမှုဝန်ထမ်းဉီးစီးဌာန၊ ရန်ကုန်မြို့အိမ်တွင်းမှုသက်မွေးလုပ်ငန်းပညာသင်ကျောင်း၏ အိမ်တွင်းမှုသင်တန်းအပတ်စဉ် (၃/၂၀၂၂) သင်တန်းဆင်းပွဲအခမ်းအနားအား (၂.၉.၂၀၂၂)ရက်နေ့ နံနက်(၀၈:၀၀)နာရီအချိန်တွင် အဆိုပါသင်တန်းကျောင်း၌ ကျင်းပပြုလုပ်ခဲ့ရာ ရန်ကုန်တိုင်းဒေသကြီး အစိုးရအဖွဲ့၊ အဖွဲ့ဝင်၊ လူမှုရေးရာဝန်ကြီး ဦးအောင်ဝင်းသိန်း၊ ရန်ကုန်တိုင်းဒေသကြီး အမျိုးသမီးရေးရာအဖွဲ့နှင့် ရန်ကုန်တိုင်းဒေသကြီး မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ ဥက္ကဌ ဒေါ်ဖြူဖြူစိန်၊ ရန်ကုန်တိုင်းဒေသကြီး လူမှုဝန်ထမ်းရုံးနှင့် အထွေထွေအုပ်ချုပ်ရေးဦးစီးဌာနတို့မှ တာဝန်ရှိသူများ၊ သင်တန်းဆင်း ကျောင်းသား၊ကျောင်းသူများ တက်ရောက်ခဲ့ကြပါသည်။ ရန်ကုန်တိုင်းဒေသကြီးအစိုးရအဖွဲ့၊ လူမှုရေးရာဝန်ကြီး ဦးအောင်ဝင်းသိန်းက သင်တန်းဆင်းအမှာစကားပြောကြားရာတွင် အိမ်တွင်းမှုလုပ်ငန်းအတတ်ပညာများကို ကျောင်းအခြေပြုသာမက ရပ်ရွာအခြေပြုသင်တန်းများအဖြစ်ပါ ဖွင့်လှစ်ပေးနေသဖြင့် မိသားစုမှသည် နိုင်ငံ့စီးပွားဖွံ့ဖြိုးမှုအထိ အထောက်အကူပြုနိုင်သောကြောင့် လေ့ကျင့်ရင်း ကုန်ထုတ်ကုန်ထုတ်ရင်းလေ့ကျင့်ခြင်းဖြင့် စဉ်ဆက်မပြတ်လေ့လာ၍ မိမိအရည်အချင်းကို ပိုမိုတိုးတက်အောင်ဆောင်ရွက်ရင်း အောင်မြင်သော ကိုယ်ပိုင်စီးပွားရေးလုပ်ငန်း လုပ်ကိုင်နိုင်သည်ထိ ကြိုးစားဆောင်ရွက်သွားကြရန်နှင့် ပြည်သူလူထုအကျိုးအတွက် နိုင်ငံတော်ကဆောင်ရွက်ပေးနေသည့် ကျောင်းရဲ့ဂုဏ်သတင်းကို လက်ဆင့်ကမ်းပေးကြရန် လမ်းညွှန်မှာကြားခဲ့ပါသည်။
          ဆက်လက်၍ အိမ်တွင်းမှုသင်တန်းကျောင်းမှ လက်ထောက်ညွှန်ကြားရေးမှူး ဒေါ်ဝင်းမာထွန်းက သင်တန်းဆင်းအစီရင်ခံစာကို ဖတ်ကြားတင်ပြခဲ့ပါသည်။ ထို့နောက် စက်ချုပ်သင်တန်း၊ မုန့်လုပ် နည်းသင်တန်းနှင့်လက်မှုသင်တန်းတို့မှ သင်တန်းသား/သူ (၆၆)ဦးအား သင်တန်းဆင်းလက်မှတ်များပေးအပ်ခဲ့ပြီး စက်ချုပ်ဘာသာရပ် ထူးချွန်ဆုရသင်တန်းသူ ဒေါ်လဲ့ရည်ထွေးအား လူမှုဝန်ထမ်းဉီးစီးဌာနက ချီးမြှင့်သည့် အပ်ချုပ်စက်(၁)စုံ ချီးမြှင့်ခဲ့ပါသည်။ ထို့နောက် ထူးချွန်ဆုရရှိသူက ကျေးဇူးတင်စကားပြန်လည်ပြောကြားခဲ့ပြီး သင်တန်းဆင်းပွဲအခမ်းအနား အောင်မြင်စွာပြီးဆုံးခဲ့ပါသည်။