လူမှုရေးစီမံခန့်ခွဲမှုဆိုင်ရာ သတင်းအချက်အလက်စနစ် (Social Management Information System-SMIS) စမ်းသပ်အသုံးပြုခြင်းနှင့် Excel Data Migration ပြုလုပ်ခြင်း သင်တန်းဖွင့်ပွဲ အခမ်းအနားကို ယနေ့နံနက် (၁၀) နာရီတွင် နေပြည်တော်၊ မင်္ဂလာသီရိဟိုတယ်၌ ကျင်းပပြုလုပ်ခဲ့ပါသည်။

     ဖွင့်ပွဲအခမ်းအနားတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန၊ ညွှန်ကြားရေးမှူးချုပ် ဒေါက်တာစန်းစန်းအေးက အဖွင့်အမှာစကား ပြောကြားရာတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနအနေဖြင့် မြန်မာနိုင်ငံ၏ အမျိုးသားအဆင့် လူမှုကာကွယ်စောင့်ရှောက်ရေး မဟာဗျူဟာစီမံချက်တွင်ပါဝင်သော  အဓိကလုပ်ငန်းစဉ်များအနက် ကိုယ်ဝန်ဆောင်မိခင်များနှင့် ၎င်းတို့မှ မွေးဖွားလာသည့် အသက် (၂) နှစ်အောက် ကလေးသူငယ်များအား ငွေကြေးထောက်ပံ့ခြင်းအစီအစဉ်  (Maternal and Child Cash Transfer Program -MCCT)၊ လူမှုရေးပင်စင်အစီအစဉ် (Social Pension Program)နှင့်  ဖြစ်ရပ်စီမံခန့်ခွဲခြင်း အစီအစဉ် (Case Management Program) တို့ကို SMIS Platform တစ်ခုတည်းဖြင့် အကောင်အထည်ဖော်ဆောင်ရွက်နိုင်ရေးအတွက်ကာကွယ်ရေးဦးစီးချုပ်ရုံး(ကြည်း)၊ တပ်မတော်(ကြည်း၊ ရေ၊ လေ)၊ သတင်းနည်းပညာဌာနမှ နည်းပညာအပြည့်အဝအကူအညီပေး၍ရေးဆွဲခဲ့ရာ ယခုဆိုရင် Case Management Program တွင် (၉၀%)၊ MCCT နှင့် Social Pensionတွင် (၈၀%) အထိ ရေးဆွဲပြီးဖြစ်ပါကြောင်း၊  MCCT အစီအစဉ်နှင့် Social Pension အစီအစဉ်တို့တွင် လက်ရှိအကျိုးခံစားလျက်ရှိသည့် အကျိုးခံစားခွင့်ရှိသူများအား SMIS စနစ်အတွင်းသို့ Data Migration ပြုလုပ်ဆောင်ရွက်နိုင်ရန်နှင့် SMIS စနစ်အား စမ်းသပ်အသုံးပြုခြင်းဆိုင်ရာ ပထမအကြိမ်သင်တန်းကို လူမှုဝန်ထမ်းဦးစီးဌာန၊ ရုံးချုပ်နှင့် တိုင်းဒေသကြီး / ပြည်နယ်များမှ သင်တန်းသား/ သင်တန်းသူ (၇၀) ဦးဖြင့်  (၉-၁-၂၀၂၃) ရက်နေ့မှ (၁၃-၁-၂၀၂၃) ရက်နေ့အထိ ဖွင့်လှစ်ခဲ့ပါကြောင်း၊ SMIS Software ဖြင့် လူမှုဝန်ထမ်းဦးစီးဌာနမှ ဆောင်ရွက်လျက်ရှိသည့် ပြည်သူသို့ ဝန်ဆောင်မှုပေးလျက်ရှိသည့် လုပ်ငန်းများပိုမိုကောင်းမွန်ထိရောက်လာစေခြင်း၊ နိုင်ငံတော် ဘဏ္ဍာငွေ သက်သာလာခြင်း၊ သတင်းအချက်အလက်များ ပိုမိုလုံခြုံစိတ်ချရခြင်း၊ Electronic Payment နည်းလမ်းများအသုံးပြု၍ ထောက်ပံ့ကြေးများပေးအပ်နိုင်ခြင်းစသည့် များစွာသောအကျိုးကျေးဇူးများ ရရှိမှာဖြစ်ကြောင်း ပြောကြားခဲ့ပါသည်။

     ဖွင့်ပွဲအခမ်းအနားသို့ ဝန်ကြီးဌာနမှ တာဝန်ရှိသူများ၊ ကာကွယ်ရေး ဦးစီးချုပ်ရုံး (ကြည်း)၊ တပ်မတော် (ကြည်း၊ရေ၊လေ)၊ သတင်းနည်းပညာဌာနမှ တာဝန်ရှိသူများ၊ လူမှုဝန်ထမ်း၊ ကယ်ဆယ်ရေး နှင့် ပြန်လည်နေရာချထားရေးဝန်ကြီးဌာနက တာဝန်ရှိသူများနှင့် MCCT အစီအစဉ် အကောင်အထည် ဖော်ဆောင်ရွက်နေသည့် တိုင်းဒေသကြီး/ ပြည်နယ်များဖြစ်သည့် ကယားပြည်နယ်၊ ကရင်ပြည်နယ်၊ ချင်းပြည်နယ်၊ ရခိုင်ပြည်နယ်၊ ရှမ်းပြည်နယ်၊ စစ်ကိုင်းတိုင်းဒေသကြီးနှင့် ဧရာဝတီတိုင်းဒေသကြီးတို့မှ သင်တန်းသား/ သင်တန်းသူ စုစုပေါင်း (၁၀၀) ဦး တက်ရောက်ခဲ့ပြီး သင်တန်းကို (၆.၂.၂၀၂၃) ရက်နေ့ မှ (၁၀.၂.၂၀၂၃) ရက်နေ့ထိ (၅) ရက်တာ ကျင်းပဆောင်ရွက်သွားမည်ဖြစ်ပါသည်။