(၁၁-၃-၂၀၂၅)ရက်နေ့၊ နံနက်(၁၀:၀၀)နာရီအချိန် ကယားပြည်နယ်ခန်းမ၌ ထိခိုက်လွယ်အုပ်စုဝင်များသို့ထောက်ပံ့ငွေပေးအပ်ပွဲအခမ်းအနားကို ကယားပြည်နယ်ဝန်ကြီးချုပ်၊ ဦးဇော်မျိုးတင်က တက်ရောက်အဖွင့်အမှာစကားပြောကြားခဲ့ပါသည်။ ပြည်နယ်အစိုးရအဖွဲ့ဝင်၊ ဝန်ကြီးများ၊ ပြည်နယ်အဆင့်ဌာနဆိုင်ရာများ၊ ရပ်ကွက်အုပ်ချုပ်ရေးမှူးများ၊ ရပ်/ကျေး စာရေးများ၊ အသက်(၇၀)နှစ်အထက်ဘိုးဘွားများ၊ ကိုယ်ဝန်ဆောင်မိခင်များ၊ အသက်(၅)နှစ် အောက်ကလေးများ၊ မသန်စွမ်းသူများနှင့် ဖိတ်ကြားထားသော ဧည့်သည်တော်များ စုစုပေါင်း (၂၂၀)ဦး တက်ရောက်ခဲ့ပါသည်။ 
အခမ်းအနားတွင် ပြည်နယ်ဝန်ကြီးချုပ်က ထိခိုက်လွယ်အုပ်စုဝင် (၁၄၅၇)ဦးအတွက် ထောက်ပံ့ငွေ ကျပ်(၄၃,၇၁၀,၀၀ဝိ/)အား ပေးအပ်ရာ မြို့နယ်အုပ်ချုပ်ရေးမှူး၊ လွိုင်ကော်မြို့နယ် အထွေထွေအုပ်ချုပ်ရေးဦးစီးဌာနမှ လက်ခံရယူခဲ့ပြီး ပြည်နယ်အစိုးရအဖွဲ့ဝင်၊ ဝန်ကြီးများမှ ကျန်ရှိသည့် ထိခိုက်လွယ်အုပ်စုဝင်များသို့ ထောက်ပံ့ငွေများကိုပေးအပ်ခဲ့ရာ ရပ်ကွက်အုပ်ချုပ်ရေးမှူး များမှ လက်ခံရယူခဲ့ပါသည်။ ထို့နောက် အခမ်းအနားကို နံနက်(၁၁:၀၀)နာရီအချိန်တွင် အောင်မြင်စွာ ရုတ်သိမ်းခဲ့ပါသည်။