(၂၉)နှစ်မြောက် ကလေးသူငယ်အခွင့်အရေးများဆိုင်ရာ ကုလသမဂ္ဂကွန်ဗင်းရှင်း နှစ်ပတ်လည်နေ့ အထိမ်းအမှတ် အကြိုလှုပ်ရှားမှု စာစီစာကုံး၊ ကဗျာ၊ ပန်းချီ ပြိုင်ပွဲကျင်းပ
ဧရာဝတီတိုင်းဒေသကြီး၊ ၁၅.၁၁.၂၀၁၈
(၁၀-၁၁-၂၀၁၈) ရက်နေ့ နံနက်(၀၉:၀၀)နာရီတွင် ဧရာဝတီတိုင်းဒေသကြီး၊ ပုသိမ်မြို့၊ အမှတ်(၁)အခြေခံပညာ အထက်တန်းကျောင်း၌ (၂၉)နှစ်မြောက် ကလေးသူငယ် အခွင့်အရေးများဆိုင်ရာ ကုလသမဂ္ဂကွန်ဗင်းရှင်း နှစ်ပတ်လည်နေ့ အထိမ်းအမှတ် အကြို လှုပ်ရှားမှု စာစီစာကုံး၊ ကဗျာ၊ ပန်းချီ ပြိုင်ပွဲများကို အခြေခံပညာဦးစီးဌာနနှင့် ပူးပေါင်း၍ ကျင်းပပြုလုပ်ခဲ့ရာ တိုင်းဒေသကြီးအတွင်း (၂၆)မြို့နယ်ရှိ အခြေခံပညာကျောင်းများမှ ထက်၊ လယ်၊ မူ ကျောင်းသားကျောင်းသူများ (၂၉၆)ဦး ဝင်ရောက် ယှဉ်ပြိုင်ကြပါသည်။
ပြိုင်ပွဲတွင်ဧရာဝတီတိုင်းဒေသကြီး လူမှုဝန်ထမ်းရုံး၊ ညွှန်ကြားရေးမှူးဦးတင်ဇော်မိုး မှ ပြိုင်ပွဲဝင်ကလေးများအား ပဲနို့များပေးဝေခဲ့ပြီး ပထမ၊ ဒုတိယ၊ တတိယရရှိသူ (၂၄)ဦးအား (၂၀-၁၁-၂၀၁၈)တွင်ကျင်းပပြုလုပ်မည့် ကလေးသူငယ်အခွင့်အရေးများဆိုင်ရာ ကုလသမဂ္ဂကွန်ဗင်းရှင်း နှစ်ပတ်လည်နေ့ အထိမ်းအမှတ်အခမ်းအနားတွင် ဂုဏ်ပြုဆုများ ချီးမြှင့်သွားမည်ဖြစ်ပါကြောင်း သတင်းရရှိပါသည်။
