၂၀၂၄ခုနှစ်၊ ဇူလိုင်လ (၃)ရက်တွင် ကျရောက်သည့် မြန်မာအမျိုးသမီးများနေ့ အထိမ်းအမှတ်အခမ်းအနားအား (၃.၇.၂၀၂၄)ရက်၊ နံနက်(၀၉:၀၀) နာရီအချိန်က မကွေးမြို့၊ မြို့တော်ခန်းမ၌ကျင်းပရာ တိုင်းဒေသကြီးအစိုးရအဖွဲ့ဝင် ဝန်ကြီးများနှင့်၎င်းတို့၏ဇနီးများ၊ မကွေးတိုင်းဒေသကြီး တရားလွှတ်တော်တရားသူကြီးချုပ်၊ ဥပဒေချုပ်နှင့်တကွ စစ်ဖက်ဆိုင်ရာမှအရာရှိကြီးများနှင့် ၎င်းတို့၏ဇနီးများ၊ တိုင်းဒေသကြီးအမျိုးသမီးကော်မတီအဖွဲ့ဝင်များနဲ့ အမျိုးသမီးများအရေးကို ဆောင်ရွက်နေကြတဲ့ အစိုးရမဟုတ်သော အဖွဲ့အစည်းများမှ တာဝန်ရှိပုဂ္ဂိုလ်များ၊ တိုင်းဒေသကြီးအဆင့်ဌာနဆိုင်ရာများ၊ အမျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့၊ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်းနှင့် ဖိတ်ကြားထားသည့် ဧည့်သည်တော်များ တတ်ရောက်ခဲ့ကြပါသည်။ အခမ်းအနား၌ မကွေးပညာရေးဒီဂရီကောလိပ်က ကျောင်းသူလေးများမှ မြန်မာမလေးပါ တေးသီချင်းဖြင့်ကပြတင်ဆက်ပြီး မကွေးတိုင်းဒေသကြီးအစိုးရအဖွဲ့ဝန်ကြီးချုပ်၊ သီရိပျံချီ ဦးတင့်လွင် တက်ရောက်အဖွင့်အမှာစကားပြောကြားခဲ့ပါသည်။ ဆက်လက်ပြီး အမျိုးသမီးများဘဝဖွံ့ဖြိုးတိုးတက်မှုမှတ်တမ်းတင် ဗီဒီယိုပြသပြီးနောက် မကွေးတိုင်းဒေသကြီးအတွင်းရှိတက္ကသိုလ်ဝင် စာမေးပွဲတွင်(သိပ္ပံ၊ဝိဇ္ဇာ၊ဝိပ္ပံ)ဘာသာတွဲများတွင် အမှတ်အများဆုံးဖြင့် ထူးချွန်စွာအောင်မြင်ခဲ့သည့် အမျိုးသမီးများ၊ တိုင်းဒေသကြီး/ ပြည်နယ်အဆင့် အားကစားပြိုင်ပွဲတွင် ထူးချွန်ခဲ့သည့် အမျိုးသမီးအားကစားသမား(၃)ဦးနှင့် မွန်မြတ်သည့်လုပ်ငန်းတစ်ရပ်ဖြစ်သည့် သွေးလိုအပ်သည့် လူနာများအား အကြိမ်အများဆုံး သွေးလှူခဲ့သည့် အမျိုးသမီးသွေးလှူရှင်တို့အား ဂုဏ်ပြုဆုချီးမြှင့်ခဲ့ပြီး မကွေးပညာရေးဒီဂရီကောလိပ်က ကျောင်းသူလေးများမှ ပန်းမြတ်ရွှေသဇင်သီချင်းဖြင့် ကပြဖျော်ဖြေပြီး စုပေါင်းမှတ်တမ်းတင် ဓါတ်ပုံရိုက်ကူးပြီးနောက် အခမ်းအနားကို ရုတ်သိမ်းခဲ့ပါသည်။