၂၀၂၅ခုနှစ်၊ အပြည်ပြည်ဆိုင်ရာအမျိုးသမီးများနေ့ အခမ်းအနားကို ၈.၃.၂၀၂၅ ရက်၊ နံနက်၀၈:၀၀နာရီအချိန်တွင် မော်လမြိုင်မြို့၊ ပြည်နယ်ခန်းမ၌ ကျင်းပပြုလုပ်ခဲ့ပါသည်။

     အခမ်းအနားတွင် မွန်ပြည်နယ်ဝန်ကြီးချုပ်   ဦးအောင်ကြည်သိန်းက အဖွင့်အမှာစကား ပြောကြားပြီး၊ ကုလသမဂ္ဂအထွေထွေအတွင်းရေးမှူးချုပ်၏ သဝဏ်လွှာနှင့် အပြည်ပြည်ဆိုင်ရာ အမျိုးသမီးများနေ့ အထိမ်းအမှတ် Video   Clip တို့အား   ပြသခဲ့ပါသည်။

   ထို့နောက် မော်လမြိုင်သားဖွားသင်တန်းကျောင်းမှ ကျောင်းသူလေးများက “တစ်နှစ်နွမ်း တစ်နှစ်ဆန်း” သီချင်းနှင့် “လက်ခတ်သံ” တေးသီချင်းကို တေးသရုပ်ဖော်ဖြင့်လည်းကောင်း၊ လူမှုဝန်ထမ်းဦးစီးဌာန၊ မော်လမြိုင်မြို့၊ အမှတ် (၁) မူလတန်းကြိုကျောင်းမှ သမီးငယ်လေးများက “ပျူခေတ်အက” ဖြင့်လည်းကောင်း  ကပြဖျော်ဖြေ တင်ဆက်ခဲ့ပါသည်။

          ယင်းနောက် ဖျော်ဖြေတင်ဆက်သွားသည့် ကျောင်းသူလေးများအား မွန်ပြည်နယ်အစိုးရအဖွဲ့၊ ဝန်ကြီးချုပ် ဦးအောင်ကြည်သိန်းက ဂုဏ်ပြုဆုငွေ ပေးအပ်ချီးမြှင့်ပြီး အခမ်းအနားကို နံနက် ၀၉:၀၀နာရီတွင် ရုပ်သိမ်းလိုက်ပါသည်။

     ထို့နောက် တက်ရောက်လာကြသော ဝန်ကြီးချုပ်နှင့် တက်ရောက်လာကြသော   ဧည့်သည်တော်များမှ ခန်းမအတွင်းခင်းကျင်းပြသထားသော အိမ်တွင်းမှုသက်မွေးလုပ်ငန်း ပညာသင်ကျောင်းနှင့် မော်လမြိုင်(OSWSC)မှ ကျောင်းသူလေးများ၏ အိမ်တွင်းမှုထုတ်ကုန်များနှင့်မုန့်များ၊ လူမှုရေးအသင်းအဖွဲ့များမှ ခင်းကျင်းထားသည့် ပြခန်းများအား ကြည့်ရှုအားပေးခဲ့ကြပါသည်။

       အခမ်းအနားသို့ မွန်ပြည်နယ်အစိုးရအဖွဲ့ ဝန်ကြီးချုပ်၊ တရားလွှတ်တော်တရားသူကြီးချုပ်နှင့်ဇနီး၊ ပြည်နယ်အစိုးရအဖွဲ့ဝင် ဝန်ကြီးများနှင့်ဇနီးများ၊ ပြည်နယ်/ ခရိုင်/ မြို့နယ် အမျိုးသမီးကော်မတီဝင်များ၊ ပြည်နယ်အဆင့်ဌာနဆိုင်ရာများ၊ ပြည်တွင်း / ပြည်ပ လူမှုရေး အသင်းအဖွဲ့များ၊ ဖိတ်ကြားထားသော ဧည့်သည်တော်များ၊ စုစုပေါင်း အင်အား (၂၅၀) ဦးခန့် တက်ရောက်ခဲ့ကြပါသည်။