မွန်ပြည်နယ် အမျိုးသမီးကော်မတီ၏ဦးဆောင်မှုဖြင့် Gender, CEDAW, NSPAW ဆိုင်ရာ အသိပညာပေးသင်တန်းကို (၁၄.၃.၂၀၂၄) ရက်နေ့၊ မွန်းလွဲ (၁၅:၀၀) နာရီအချိန်တွင် မွန်ပြည်နယ်၊လူမှုဝန်ထမ်းရုံး၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။
    အဆိုပါသင်တန်းတွင် မွန်ပြည်နယ် အမျိုးသမီးကော်မတီဥက္ကဋ္ဌ၊ မွန်ပြည်နယ်အစိုးရအဖွဲ့၊ လူမှုရေးရာဝန်ကြီး ဦးစောကြည်နိုင်က အဖွင့်အမှာစကားပြောကြားပြီး မွန်ပြည်နယ် လူမှုဝန်ထမ်းရုံး၊ ညွှန်ကြား‌ရေးမှူးက Gender,CEDAW, NSPAW နှင့်ပတ်သက်၍ နောက်ခံသမိုင်းကြောင်းများ၊ လက်ရှိမြန်မာနိုင်ငံမှ ဆောင်ရွက်လျက်ရှိသည့် အမျိုးသမီးဖွံ့ဖြိုးတိုးတက်မှုလုပ်ငန်းများ၊ CEDAW ကော်မတီသို့ အစီရင်ခံစာတင်သွင်းမှုအခြေအနေများ၊ NSPAW Phase II (၂၀၂၃-၂၀၃၂) (မူကြမ်း) နှင့်ပတ်သက်၍ သက်ဆိုင်ရာဌာနများအလိုက် ဆောင်ရွက်ရမည့်လုပ်ငန်းစဉ်များကို Power Point ဖြင့် အသေးစိတ်တင်ပြဆွေးနွေးခဲ့ကြပါသည်။ ထို့နောက် တက်ရောက်လာသော ဌာနဆိုင်ရာများ၊ မွန်၊ ကရင်၊ ပအို့ဝ် တိုင်းရင်းသားစာပေနှင့် ယဉ်ကျေးမှုအဖွဲ့များအနေဖြင့် NSPAW Phase II (၂၀၂၃-၂၀၃၂) (မူကြမ်း)နှင့်ပတ်သက်၍ ထပ်မံဖြည့်စွက်အကြံပြုလိုသည်များရှိပါက မွန်ပြည်နယ် လူမှုဝန်ထမ်းရုံးသို့ ၂၀၂၄ ခုနှစ်၊ မတ်လကုန်ခန့်တွင် ပေးပို့နိုင်ပါကြောင်းပြောကြားပြီး သင်တန်းကို မွန်းလွဲ (၁၆:၃၀)ခန့်တွင် ရုပ်သိမ်းခဲ့ပါသည်။