စစ်ကိုင်းတိုင်းဒေသကြီးအတွင်းရှိ စေတနာ့ဝန်ထမ်းအဖွဲ့အစည်းများနှင့် ကိုယ့်အားကိုယ်ကိုးမူလတန်းကြိုကျောင်းများအား ထောက်ပံ့ကြေးငွေပေးအပ်ပွဲအခမ်းအနားကို (၇-၂-၂၀၂၂) ရက်နေ့၌ စစ်ကိုင်းတိုင်းဒေသကြီး အစိုးရအဖွဲ့ရုံး၊ ချင်းတွင်းခန်းမတွင် ကျင်းပခဲ့ရာ တက်ရောက်သူစုစုပေါင်း (၇၄)ဦး တက်ရောက်ခဲ့ပါသည်။ ထိုအခမ်းအနားတွင် စစ်ကိုင်းတိုင်းဒေသကြီး ဝန်ကြီးချုပ်က အဖွင့်အမှာစကား ပြောကြားပြီး၊ စေတနာ့ဝန်ထမ်းအဖွဲ့အစည်းများအား လူမှုဝန်ထမ်းဦးစီးဌာနက ထောက်ပံ့နေသည့် အခြေအနေများကို စစ်ကိုင်းတိုင်းဒေသကြီး လူမှုဝန်ထမ်းရုံးမှ ညွှန်ကြားရေးမှူးက ရှင်းလင်းပြောကြား ပြီးနောက် တက်ရောက်လာကြသော လူငယ်ဖွံ့ဖြိုးရေးပရဟိတဂေဟာများ (၁၁) ခု၊ မသန်စွမ်းဂေဟာ   (၁) ခု၊ ဘိုးဘွားရိပ်သာ (၆) ခု၊ အမျိုးသမီးဂေဟာ (၂) ခု စုစုပေါင်းဂေဟာ (၂၀) ခု အတွက် ထောက်ပံ့ငွေ (၅၃,၁၄၀,၅၀၀) နှင့် ကိုယ့်အားကိုယ်ကိုးမူလတန်းကြိုကျောင်း (၅၆) ကျောင်းအတွက် ဆရာမထောက်ပံ့ငွေနှင့် သင်ထောက်ကူပစ္စည်း ထောက်ပံ့ငွေကျပ် (၂၀,၇၂၀,၀၀၀) စုစုပေါင်း (၇၃,၈၆၀,၅၀၀) ကျပ်အား ထောက်ပံ့ကြေးပေးအပ်ခဲ့ပါသည်။