မွန်ပြည်နယ် သက်ကြီးရွယ်အိုများဆိုင်ရာကော်မတီ အစည်းအဝေးကို မွန်ပြည်နယ်၊ မော်လမြိုင်မြို့၊ စစ်ကဲကုန်းရပ်ရှိ ပြည်နယ်လူမှုဝန်ထမ်းရုံးခန်းမ၌  (၁၉-၉-၂၀၂၂) ရက်နေ့၊ မွန်းလွဲ (၁၃း၀၀) နာရီ အချိန်တွင် ကျင်းပပြုလုပ်ခဲ့ပါသည်။

     အဆိုပါ အစည်းအဝေးတွင် မွန်ပြည်နယ် သက်ကြီးရွယ်အိုများဆိုင်ရာကော်မတီ ဥက္ကဋ္ဌ၊ မွန်ပြည်နယ်အစိုးရအဖွဲ့ဝင် လူမှုရေးရာဝန်ကြီးက အမှာစကားပြောကြားပြီး ပြည်နယ်လူမှုဝန်ထမ်းရုံး၊ ညွှန်ကြားရေးမှူးက ကော်မတီ၏လုပ်ငန်းအကောင်အထည်ဖော်ဆောင်ရွက်မှု အခြေအနေများကို ရှင်းလင်းဆွေးနွေးခဲ့ပါသည်။ ထို့နောက် တက်ရောက်လာသော ကော်မတီဝင်များမှ အထွေထွေဆွေးနွေးမှုများ ပြုလုပ်ခဲ့ကြပြီးနောက် ရှေ့လုပ်ငန်းစဉ်များချမှတ်ကာ အစည်းအဝေးကို မွန်းလွဲ (၁၄း၃၀) နာရီတွင် ရုပ်သိမ်းခဲ့ပါသည်။

    အစည်းအဝေးသို့ မွန်ပြည်နယ် သက်ကြီးရွယ်အိုများဆိုင်ရာကော်မတီဝင်များ၊ လူမှုအားမာန်အဖွဲ့မှ ကိုယ်စားလှယ်များနှင့် ပြည်နယ်လူမှုဝန်ထမ်းရုံးမှ တာဝန်ရှိသူများ စုစုပေါင်း (၃၀) ဦးခန့် တက်ရောက်ခဲ့ကြပါသည်။