၂၀၂၂ခုနှစ်၊ အမျိုးသမီးများအပေါ်အကြမ်းဖက်မှုပပျောက်ရေး (၁၆)ရက်တာလှုပ်ရှားမှု အထိမ်းအမှတ်အခမ်းအနားကို (၂၅.၁၁.၂၀၂၂)ရက်နေ့တွင် စစ်ကိုင်းတိုင်းဒေသကြီးအစိုးရအဖွဲ့ရုံး၊ ချင်းတွင်းခန်းမ၌ ကျင်းပပြုလုပ်ခဲ့ရာ တက်ရောက်သူစုစုပေါင်း (၁၅၂)ဦးတက်ရောက်ခဲ့ပါသည်။ ထိုအခမ်းအနားတွင် စစ်ကိုင်းတိုင်းဒေသကြီးအစိုးရအဖွဲ့ဝန်ကြီးချုပ်က အဖွင့်အမှာစကားပြောကြားပြီး အမျိုးသမီးများအပေါ် အကြမ်းဖက်မှုပပျောက်ရေး (၁၆)ရက်တာလှုပ်ရှားမှုအကြောင်းကို စစ်ကိုင်းတိုင်းဒေသကြီး၊ လူမှုဝန်ထမ်းရုံးမှ ညွှန်ကြားရေးမှူးက ရှင်းလင်းပြောကြားခဲ့ပါသည်။ ဆက်လက်၍ Break the Chain သီချင်းဖြင့် အမျိုးသမီးငယ်များက ကပြဖျော်ဖြေခဲ့ပြီး အမျိုးသမီးများအပေါ်အကြမ်းဖက်မှုပပျောက်ရေး Video Clip ကို ပြသခဲ့ပါသည်။

   ထို့နောက် GBV (Gender Base Violence) အသိပညာပေးအစီအစဉ်တွင် တိုင်းဒေသကြီး၊ လူမှုဝန်ထမ်းရုံးမှ ညွှန်ကြားရေးမှူးက Gender Base Violence များကို ရှင်းလင်းပြောကြားခြင်း၊ တိုင်းဒေသကြီး ပြည်သူ့ကျန်းမာရေးဦးစီးဌာနမှ ဒုတိယညွှန်ကြားရေးမှူးက ကျား၊မအခြေပြုအကြမ်းဖက်မှုများ (Gender Base Violence)နှင့် ကျန်းမာရေးစောင့်ရှောက်မှုများကို ရှင်းလင်းပြောကြားခြင်း၊ တိုင်းဒေသကြီး၊ တရားဉပဒေရေးရာဦးစီးဌာနမှ ဒုတိယညွှန်ကြားရေးမှူးနှင့် တိုင်းဒေသကြီးရဲတပ်ဖွဲ့ဦးစီးဌာနမှ ဒုတိယညွှန်ကြားရေးမှူးက အမျိုးသမီးများအပေါ်အကြမ်းဖက်မှုပပျောက်ရေး အသိပညာများကို ရှင်းလင်းပြောကြားခဲ့ပါသည်