အမျိုးသမီးများအပေါ်အကြမ်းဖက်မှုပပျောက်ရေး (၁၆) ရက်တာလှုပ်ရှားမှု  အထိမ်းအမှတ်အခမ်းအနားအား ရန်ကုန်တိုင်းဒေသကြီး အမျိုးသမီးကော်မတီမှကြီးမှူး၍ (၇.၁၂.၂၀၂၂) ရက်နေ့၊ နံနက် (၉:၀၀) နာရီတွင် အမျိုးသမီးကလေးများသင်တန်းကျောင်း (မလိခ) အားကစားရုံတွင် ကျင်းပပြုလုပ်ခဲ့ရာ အဆိုပါအခမ်းအနားသို့ ရန်ကုန်တိုင်းဒေသကြီးအမျိုးသမီးကော်မတီ ဥက္ကဌ၊ ရန်ကုန် တိုင်းဒေသကြီးအစိုးရအဖွဲ့၊ လူမှုရေးရာဝန်ကြီး ဦးအောင်ဝင်းသိန်း၊ တိုင်းဒေသကြီး အမျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်ရေးကြီးကြပ်မှုအဖွဲ့ ဥက္ကဌ၊ ရန်ကုန်တိုင်းဒေသကြီး အမျိုးသမီးကော်မတီဝင်များ၊ အမျိုးသမီးရေးရာအဖွဲ့ဝင်များ၊ မိခင်နှင့်ကလေးစောင့်ရှောက်ရေးအဖွဲ့ဝင်များ၊ ဌာနဆိုင်ရာများ၊ ကျောင်းသား/ သူများ စုစုပေါင်း (၁၅၁) ဦး တက်ရောက်ခဲ့ပါသည်။

     အခမ်းအနားတွင် ရန်ကုန်တိုင်းဒေသကြီးအမျိုးသမီးကော်မတီ ဥက္ကဌ၊ ရန်ကုန်တိုင်းဒေသကြီး အစိုးရအဖွဲ့၊ လူမှုရေးရာဝန်ကြီးမှ အဖွင့်အမှာစကားပြောကြားခဲ့ပြီး အမျိုးသမီးများအပေါ်အကြမ်းဖက်မှုတိုက်ဖျက်ရေး (၁၆) ရက်တာလှုပ်ရှားမှု Video အား ပြသခဲ့ပါသည်။ ဆက်လက်၍  အမျိုးသမီးများအပေါ် အကြမ်းဖက်မှုတိုက်ဖျက်ရေး (၁၆) ရက်တာ လှုပ်ရှားမှုစကားဝိုင်း ဆွေးနွေးပွဲပြုလုပ်ခဲ့ရာ Facilitator အဖြစ် လူမှုဝန်ထမ်းအတတ်သင်သိပ္ပံကျောင်းမှ ဒုတိယညွှန်ကြားရေးမှူး ဒေါ်ဥမ္မာခိုင်က ဆောင်ရွက်ခဲ့ပြီး Speaker များအဖြစ် တိုင်းဒေသကြီး မိခင်နှင့်ကလေးစောင့်ရှောက်ရေးကြီးကြပ်မှုအဖွဲ့ ဥက္ကဌ ဒေါ်ဖြူဖြူစိန်၊ တိုင်းဒေသကြီးအမျိုးသမီးရေးရာမှ အတွင်းရေးမှူး ဒေါ်အေးမာဦး၊ မရမ်းကုန်းခရိုင် ဥပဒေအရာရှိ ဒေါ်ငြိမ်းငြိမ်းအိ၊ မရမ်းကုန်းခရိုင် ရဲတပ်ဖွဲ့မှူးရုံးမှ ရဲမှူးညွန့်ဝင်းနှင့် Central ECCD Resource Center မှ ဒုတိယညွှန်ကြားရေးမှူး ဒေါ်သင်းသင်းမာ တို့က ဆွေးနွေးခဲ့ကြပါသည်။

    အမျိုးသမီးများအပေါ်အကြမ်းဖက်မှုပပျောက်ရေး (၁၆) ရက်တာလှုပ်ရှားမှု အထိမ်းအမှတ်အခမ်းအနားအား ရန်ကုန်တိုင်းဒေသကြီးအမျိုးသမီးကော်မတီ၏ ကြီးကြပ်မှုဖြင့်အောင်မြင်စွာပြီးမြောက်ခဲ့ပါသည်။