သက်ကြီးရွယ်အိုများဆိုင်ရာဥပဒေနှင့်နည်းဥပဒေ အသိပညာပေးဆွေးနွေးပွဲကျင်းပ
မွန်ပြည်နယ်လူမှုဝန်ထမ်းရုံးမှကြီးမှူး၍ (၂၈.၁၂.၂၀၂၂) ရက်နေ့၊ နံနက် (၁၀:၀၀) နာရီအချိန်တွင် မော်လမြိုင်မြို့၊ ပြည်နယ်လူမှုဝန်ထမ်းရုံး အစည်းအဝေးခန်းမ၌ သက်ကြီးရွယ်အိုများဆိုင်ရာ ဥပဒေနှင့်နည်းဥပဒေ အသိပညာပေးဆွေးနွေးပွဲကို ကျင်းပပြုလုပ်ခဲ့ပါသည်။ အဆိုပါ ဆွေးနွေးပွဲတွင် မွန်ပြည်နယ်လူမှုဝန်ထမ်းရုံး၊ ညွှန်ကြားရေးမှူး ဒေါ်လဲ့ယဉ်ဝင်းမှ သက်ကြီးရွယ်အိုများဆိုင်ရာ ဥပဒေနှင့်နည်းဥပဒေပါ အခန်းများ၊ ဘိုးဘွားရိပ်သာများမှ ဆောင်ရွက်ရမည့်တာဝန်များကို Power Point ဖြင့် အသေးစိတ်ရှင်းလင်းပြောကြားပြီး တက်ရောက်လာသူများမှ သိရှိလိုသည်များကို မေးမြန်းရာ ပြည်နယ်လူမှုဝန်ထမ်းရုံး ညွှန်ကြားရေးမှူးမှ ပြန်လည်ဖြေကြားပြီး နိဂုံးချုပ်စကားပြောကြားကာ ဆွေးနွေးပွဲကို မွန်းတည့် (၁၂:၀၀) နာရီအချိန်တွင် ရုပ်သိမ်းခဲ့ပါသည်။ အဆိုပါ ဆွေးနွေးပွဲသို့ ဘိုးဘွားရိပ်သာများမှ ကြီးကြပ်မှုကော်မတီဝင်များ၊ လူမှုကယ်ဆယ်ရေးအသင်းအဖွဲ့များမှကိုယ်စားလှယ်များ၊ INGOs, NGO အဖွဲ့အစည်းတို့မှတာဝန်ရှိသူများ စုစုပေါင်းအင်အား (၃၅)ဦး တက်ရောက်ခဲ့ကြပါသည်။
