ရှေးဦးအရွယ် ကလေးသူငယ်ပြုစုပျိုးထောင်ရေးနှင့်ဖွံ့ဖြိုးရေးလုပ်ငန်း မွန်ပြည်နယ်ကြီးကြပ်ရေးအဖွဲ့မှ ကြီးမှူး၍ လုပ်ငန်းညှိနှိုင်းအစည်းအဝေးကို (၆.၁.၂၀၂၃) ရက်နေ့၊ မွန်းလွဲ (၁၄:၀၀) နာရီအချိန်တွင် မွန်ပြည်နယ်လူမှုဝန်ထမ်းရုံးအစည်းအ‌ဝေးခန်းမ၌ တက်ရောက်အင်အား (၁၈)ဦးဖြင့် ကျင်းပပြုလုပ်ခဲ့ပါသည်။ 
      အဆိုပါအစည်းအဝေးတွင် ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်း မွန်ပြည်နယ်ကြီးကြပ်ရေးအဖွဲ့ ဥက္ကဋ္ဌ၊ မွန်ပြည်နယ်အစိုးရအဖွဲ့ လူမှုရေးရာဝန်ကြီး ဦးမြတ်သွင်မှ အဖွင့်အမှာစကားပြောကြားပြီး  ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်း မွန်ပြည်နယ်ကြီးကြပ်ရေးအဖွဲ့ အတွင်းရေးမှူး၊ မွန်ပြည်နယ်လူမှုဝန်ထမ်းရုံး ညွှန်ကြားရေးမှူး ဒေါ်လဲ့ယဉ်ဝင်းက မွန်ပြည်နယ်အတွင်း လုပ်ငန်းဆောင်ရွက်မှုအခြေအနေများ၊  တည်ထောင်ခွင့်ပြုမိန့် သက်တမ်းတိုး လျှောက်ထားလာသည့် ပုဂ္ဂလိကမူလတန်းကြိုကျောင်းများ သတ်မှတ်အခကြေးငွေနှုန်းထားများနှင့်ပတ်သက်၍ ပြင်ဆင်သတ်မှတ်နိုင်ရေးအတွက် ဆွေးနွေးတင်ပြခြင်းများကို ဆောင်ရွက်ခဲ့ပါသည်။ ထို့နောက် တက်ရောက်လာသော ကော်မတီဝင်များမှ ပုဂ္ဂလိကမူလတန်းကြိုကျောင်းများအတွက် သတ်မှတ်အခကြေးငွေနှုန်းထားများကို ပြန်လည်ပြင်ဆင် သတ်မှတ်ခဲ့ကြပြီး ဥက္ကဋ္ဌက နိဂုံးချုပ်အမှာစကား ပြောကြားပြီး အစည်းအ‌ဝေးကို မွန်းလွဲ (၁၅:၀၀) နာရီအချိန်တွင် ရုပ်သိမ်းခဲ့ပါသည်။