မွန်ပြည်နယ်၊ မော်လမြိုင်ခရိုင် ကလေးသူငယ်အခွင့်အရေးများဆိုင်ရာ ဥပဒေအသိပညာပေး ဟောပြောပွဲကို မွန်ပြည်နယ်၊ မော်လမြိုင်မြို့၊ ပြည်နယ်လူမှုဝန်ထမ်းရုံးခန်းမ၌ (၁၅-၂-၂၀၂၃) ရက်နေ့၊ နံနက်(၁ဝး၀၀) နာရီတွင် ကျင်းပပြုလုပ်ခဲ့ပါသည်။

      အဆိုပါ ဟောပြောပွဲတွင် မော်လမြိုင်ခရိုင် ကလေးသူငယ်အခွင့်အရေးများဆိုင်ရာ ကော်မတီ အတွင်းရေးမှူး၊ ပြည်နယ်လူမှုဝန်ထမ်းရုံး၊ ဒုတိယညွှန်ကြားရေးမှူးက အဖွင့်အမှာစကား ပြောကြားပြီး မော်လမြိုင်ခရိုင်ဥပဒေရုံးမှ ခရိုင်ဥပဒေအရာရှိဒေါ်ဆွေဆွေစိုးမှ ကလေးသူငယ်အခွင့်အရေးများ ဆိုင်ရာဥပဒေ (၂၀၁၉ ခုနှစ်) အား ရှင်းလင်းဟောပြောခဲ့ပါသည်။ ထို့နောက် မော်လမြိုင်ခရိုင် ဥပဒေဆိုင်ရာ အထောက်အကူပေးရေးအဖွဲ့ ဥက္ကဋ္ဌ ဒေါ်အေးမြိုင်က အဖွဲ့၏ လုပ်ငန်းဆောင်ရွက်ချက်များနှင့် ကလေးသူငယ်ကာကွယ်စောင့်ရှောက်ရေးဆိုင်ရာ သိမှတ်စရာများကို ဆွေးနွေးပြောကြားခဲ့ပါသည်။ ယင်းနောက်တွင် မွန်ပြည်နယ်လူမှုဝန်ထမ်းရုံးမှ မော်လမြိုင်ခရိုင်ဥပဒေရုံးသို့ အမှတ်တရလက်ဆောင်ပစ္စည်းများပေးအပ်ကာ ဟောပြောပွဲကို နေ့လယ် (၁၂း၀၀) နာရီတွင် ရုပ်သိမ်းခဲ့ပါသည်။

       ဟောပြောပွဲသို့ မော်လမြိုင်ခရိုင် ကလေးသူငယ်အခွင့်အရေးများဆိုင်ရာ ကော်မတီဝင်များ၊ မွန်ပြည်နယ် လူမှုရေးရာဖြစ်ရပ်စီမံခန့်ခွဲမှု လုပ်ငန်းအဖွဲ့ဝင်များ၊ ကိုယ့်အားကိုယ်ကိုးမူကြိုနှင့် ပုဂ္ဂလိကမူကြိုများမှ မူကြိုဆရာမများ၊ မွန်ပြည်နယ် လူမှုဝန်ထမ်းရုံး ကြီးကြပ်မှုအောက်ရှိ သင်တန်းကျောင်း/ ဌာနငယ်၊ မူကြိုများမှ တာဝန်ခံကျောင်းအုပ်များ စုစုပေါင်း (၃၅) ဦးခန့် တက်ရောက်ခဲ့ကြပါသည်။