မွန်ပြည်နယ် ကလေးသူငယ်အခွင့်အရေးများဆိုင်ရာကော်မတီ လုပ်ငန်းညှိနှိုင်းအစည်းအဝေးကို (၂၆-၆-၂၀၂၃) ရက်နေ့၊ မွန်းလွဲ (၁၃:၀၀) နာရီအချိန်တွင် မွန်ပြည်နယ်လူမှုဝန်ထမ်းရုံး၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါအစည်းအဝေးတွင် မွန်ပြည်နယ် ကလေးသူငယ်အခွင့်အရေးများဆိုင်ရာကော်မတီဥက္ကဋ္ဌ၊ မွန်ပြည်နယ်အစိုးရအဖွဲ့၊ လူမှုရေးရာဝန်ကြီး ဦးမြတ်သွင်က အဖွင့်အမှာစကားပြောကြားပြီး ပြည်နယ် ကလေးသူငယ်အခွင့်အရေးများဆိုင်ရာကော်မတီ အတွင်းရေးမှူး၊ ပြည်နယ်လူမှုဝန်ထမ်းရုံး ညွှန်ကြားရေးမှူး ဒေါ်လဲ့ယဉ်ဝင်းက ၂၀၂၃ခုနှစ်၊ ဇန်နဝါရီလမှယနေ့ထိ ပြည်နယ်အတွင်း ကလေးသူငယ် ကာကွယ်စောင့်ရှောက်ရေးလုပ်ငန်းများ ဆောင်ရွက်မှု အခြေအနေများအား Power Point ဖြင့်ရှင်းလင်းပြောကြားသွားပါသည်။ ထို့နောက်တက်ရောက်လာသော ဌာနဆိုင်ရာကော်မတီဝင်များက ဌာနတစ်ခုချင်းအလိုက် ကလေးသူငယ်ကာကွယ်စောင့်ရှောက်ရေးလုပ်ငန်းများကို အသီးသီးတင်ပြကြပြီး၊ ကလေးသူငယ်များ၏ အကောင်းဆုံးအကျိုးစီးပွားကိုဆောင်ရွက်နိုင်ရေး ရှေ့လုပ်ငန်းစဉ်များချမှတ်ခဲ့ကြပါသည်။ ထို့နောက် ပြည်နယ်ကလေးသူငယ်အခွင့်အရေးများဆိုင်ရာ ကော်မတီဥက္ကဋ္ဌက နိဂုံးချုပ်အမှာစကားပြောကြားကာ အစည်းအဝေးကို မွန်းလွဲ (၁၄:၀၀) နာရီတွင် ရုပ်သိမ်းလိုက်ပါသည်။