တနင်္သာရီတိုင်းဒေသကြီး၊ မြိတ်ခရိုင် ၊ လူမှုဝန်ထမ်းရုံးမှ (၂၁.၂.၂၀၂၄) ရက်နေ့ နံနက်(၉:၃၀) နာရီတွင် နယ်စပ်ရေးရာဝန်ကြီးဌာန၊ ပညာရေးနှင့်လေ့ကျင့်ရေးဦးစီးဌာနလက်အောက်ရှိ အမျိုးသမီး အိမ်တွင်းမှုသက်မွေးလုပ်ငန်းပညာသင်ကျောင်းတွင် အခြေခံ/အဆင့်မြင့် စက်ချုပ်သင်တန်းသူများအား အမျိုးသမီးများအခွင့်အရေး၊ ကျား/မအခြေပြုအကြမ်းဖက်မှု (GVB) အသိပညာပေးဟောပြောခဲ့ပါသည်။
    ထိုနေ့မွန်းလွဲ(၂:၀၀)နာရီတွင် မြိတ်ခရိုင်အမျိုးသမီးကော်မတီဝင်များပူးပေါင်း၍ မြိတ်မြို့၊ ရေပုန်းရပ်ကွက်၊ ရပ်ကွက်အုပ်ချုပ်ရေးမှူးရုံး၌ ရပ်ရွာရှိပြည်သူများအား ကျား/မအခြေပြုအကြမ်းဖက်မှု၊ အမျိုးသမီးများနှင့်ကျန်းမာရေး၊ လူကုန်ကူးမှုတားဆီးကာကွယ်ရေး၊ ဖုန်းသုံးစွဲခြင်းကြောင့်ဖြစ်ပေါ်နိုင်သည့် အားသာချက်၊ အားနည်းချက်များအား ကော်မတီဝင်ဌာနဆိုင်ရာများနှင့် ခရိုင်အမျိုးသမီးရေးရာအဖွဲ့တို့မှ တာဝန်ရှိသူများက အသိပညာပေးဟောပြောခဲ့ကြပါသည်။