Naypyitaw State Academy (NSA) ၊ အင်္ဂလိပ်စာဌာနမှ အင်္ဂလိပ်စာအထူးပြု တတိယနှစ် ကျောင်းသား/ သူ (၃)ဦးတို့သည် လူမှုဝန်ထမ်းဦးစီးဌာနလက်အောက်ရှိ ဌာနခွဲများ၊ မူလတန်းကြိုကျောင်းနှင့် နေပြည်တော်ကလေးပြုစုရေးဌာနသို့ ၁-၁၀-၂၀၂၄ ရက်မှ ၈-၁၀-၂၀၂၄ ရက်အထိ လုပ်ငန်းခွင်လက်တွေ့လေ့လာရေး (Internship Program) လာရောက်ခဲ့ပါသည်။ အဆိုပါလေ့လာခဲ့သည့် ကာလအတွင်းရရှိခဲ့သည့် အတွေ့အကြုံများအား ရှင်းလင်းတင်ပြသည့် အစီအစဉ်အား ၉-၁၀-၂၀၂၄ ရက်၊ နေ့လယ် ၁၃:၀၀ နာရီ အချိန်တွင် လူမှုဝန်ထမ်းဦးစီးဌာန၊ အစည်းအဝေးခန်းမ၌ ကျင်းပပြုလုပ်ရာ လူမှုဝန်ထမ်းဦးစီးဌာနမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဘာသာရပ်ဆိုင်ရာ တာဝန်ရှိသူများနှင့် ကျောင်းသား/ သူများ တက်ရောက်ခဲ့ကြပါသည်။ 
Naypyitaw State Academy (NSA) ၊ အင်္ဂလိပ်စာဌာနမှ အင်္ဂလိပ်စာအထူးပြု တတိယနှစ် ကျောင်းသား/ သူ (၃) ဦးတို့သည် လူမှုဝန်ထမ်းဦးစီးဌာနတွင် လေ့လာခဲ့သည့် အကြောင်းအရာများ၊ ရရှိလာသည့် အကျိုးကျေးဇူးများ ရှင်းလင်းတင်ပြခဲ့ကြပြီး ညွှန်ကြားရေးမှူးချုပ်မှ လမ်းညွှန်အမှာစကား ပြောကြားခဲ့ပါသည်။ ဆက်လက်၍ လုပ်ငန်းခွင်လက်တွေ့လေ့လာရေး (Internship Program) ပြီးဆုံးသည့် Internship Completion Certificate လက်မှတ်များ ပေးအပ်ချီးမြှင့်ခဲ့ကြပြီး မွန်းလွဲ ၁၅:၄၅ နာရီတွင် အတွေ့အကြုံရှင်းလင်းပွဲအစီအစဉ် ပြီးဆုံးခဲ့ပါသည်။