ရန်ကုန်၊ အောက်တိုဘာလ (၁၈)ရက် -

    လူမှုဝန်ထမ်း၊ ကယ်ဆယ်ရေး နှင့်ပြန်လည်နေရာချထားရေး ဝန်ကြီးဌာန၊ ပြည်ထောင်စုဝန်ကြီး ဒေါက်တာ ဒေါ်မြတ်မြတ်အုန်းခင်သည် တာဝန်ရှိသူများ လိုက်ပါလျက် ၁၇-၁၀-၂၀၁၂ရက်နေ့ နေ့လည်ပိုင်းတွင် ရန်ကုန်တိုင်းဒေသကြီး၊ ကမာရွတ်မြို့နယ်၊ သံလွင်လမ်းရှိ လူမှုဝန်ထမ်းဦးစီးဌာန အမျိုုးသမီးများဖွံ့ဖြိုးတိုးတက်ရေးဌာနသို့ သွားရောက်စစ်ဆေးရာ အုပ်ချုပ်ရေးမှူးမှ လုပ်ငန်းဆောင်ရွက်ချက်များနှင့် ကျောင်း၏ တစ်နေတာ ဆောင်ရွက်ချက်များကို ပရိုဂျက်တာဖြင့် ရှင်းလင်းတင်ပြပြီး ပြည်ထောင်စုဝန်ကြီးမှာ လိုအပ်သည်များကို ဖြည့်ဆည်းဆောင်ရွက်ပေးခဲ့ပါသည်။

ဆက်လက်၍ သက်မွေးပညာရပ်များဖြစ်သော ယက္ကန်းလုပ်ငန်း၊ စက်ချုပ်လုပ်ငန်း၊ ဇာထိုးပန်းထိုးလုပ်ငန်းတို့ကို ကြည့်ရှုစစ်ဆေးပြီး ဌာန၏ထုတ်ကုန်ပစ္စည်းများကို အရောင်းပြခန်းတွင် ယခင်ကထက်ပိုမိုအောင်မြင်အောင် ကြိုးစားဆောင်ရွက်ရန် လမ်းညွှန်မှာကြားခဲ့ပါကြောင်း သတင်းရရှိပါသည်။