လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနသည် ရုံးချုပ်ရှိဝန်ထမ်းများ၏ စွမ်းဆောင်ရည်မြင့်မားစေရေးနှင့် ရုံးလုပ်ငန်းများ လျင်မြန်ချောမွေ့စွာဆောင်ရွက်နိုင်စေရေး ရည်ရွယ်၍ ဌာနတွင်း Microsoft Excel (Basic) သင်တန်းဖွင့်ပွဲ အခမ်းအနားအား ယနေ့နံနက် (၀၉း၃၀) နာရီအချိန်တွင် လူမှုဝန်ထမ်းဦးစီး ဌာန၊ အစည်းအဝေးခန်းမ၌ ကျင်းပပြုလုပ်ခဲ့ရာ သင်တန်းသို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ဌာနခွဲများမှ ညွှန်ကြားရေးမှူးများ၊ နည်းပြများနှင့် သင်တန်းသား/ သူများတက်ရောက်ခဲ့ကြပါသည်။
    သင်တန်းဖွင့်ပွဲအခမ်းအနား၌ လူမှုဝန်ထမ်းဦးစီးဌာန၊ ညွှန်ကြားရေးမှူးချုပ်က အဖွင့်အမှာစကားပြောကြားရာတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ လူမှုဝန်ထမ်းဦးစီးဌာနအနေဖြင့် တိုးတက်ပြောင်းလဲလာသော နည်းပညာခေတ်၌ IT နည်းပညာသည် မရှိမဖြစ်လိုအပ်ပါကြောင်း၊ ရုံးလုပ်ငန်းများ လုပ်ဆောင်ရာ၌လည်း IT Soft Skill များဖြစ်သည့် Microsoft Office – Word, Excel, Power Point အစရှိသည့် ပညာရပ်တွေကို ကျွမ်းကျင်နေပါက လုပ်ငန်းပြီးမြောက်အောင် ဆောင်ရွက်သည့်နေရာမှာ အချိန်ကုန် သက်သာစေမှာ ဖြစ်ကြောင်း၊ စာရင်းဇယားတွေ ရေးဆွဲခြင်းသည် ဌာနအတွင်းမှာမဖြစ်မနေ လုပ်ဆောင်ရသည့်အတွက်ကြောင့် ယခုကဲ့သို့ Microsoft Excel (Basic) အသုံးပြုနည်း သင်တန်းကို ဖွင့်လှစ်သင်ကြားပေးရခြင်းဖြစ်ကြောင်း၊ သင်တန်းသား/သင်တန်းသူများအနေဖြင့် လက်တွေ့အသုံးချနိုင်ရန်အတွက် သင်တန်းမှသင်ကြားပေးတဲ့ သင်ခန်းစာ များကို စိတ်ပါဝင်စားစွာသင်ကြားဖို့နှင့် သင်တန်းမှရရှိလာတဲ့ ပညာရပ်များကိုလည်း သင်တန်း ပြီးသွားတဲ့အခါမှာ ရုံးလုပ်ငန်းပိုင်းမှာ လွယ်ကူအဆင်ပြေအောင် လက်တွေ့နဲ့ယှဉ်ပြီး အသုံးချသွားဖို့မှာကြားလိုကြောင်း၊ ယခုဖွင့်လှစ်သည့် Excel သင်တန်းသာမက Adobe Photoshop သင်တန်း၊ Adobe PageMaker သင်တန်းတွေကိုလည်း ဆက်လက်ဖွင့်လှစ်ပေးသွားမှာဖြစ်ကြောင်း၊ ညွှန်ကြားရေးမှူးများအနေနှင့်လည်း မိမိတို့ဌာနမှာ လိုအပ်နေတဲ့ ဘာသာရပ်တွေကို အမှန်တကယ်အသုံးပြုနိုင်တဲ့ သင်တန်းသား/သူများကိုသာ ရွေးချယ်စေလွှတ်ပြီး သင်တန်းတက်ရောက်စေခြင်းဖြင့် လူမှုဝန်ထမ်းဦးစီးဌာနမှာရှိနေတဲ့ Human Resources ကို တိုးတက်လာစေမှာ ဖြစ်ကြောင်း ပြောကြားခဲ့ပါသည်။
    လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်း ဦးစီးဌာနမှ ကျင်းပပြုလုပ်သည့် Microsoft Excel (Basic) သင်တန်းသို့ ရုံးချုပ်၊ ဌာနခွဲများမှ သင်တန်းသား/သူ(၂၀)ဦးဖြင့် (၁၀-၆-၂၀၂၄ ရက်မှ ၁၄-၆-၂၀၂၄ ရက်ထိ) (၅)ရက်တာ ဖွင့်လှစ်သင်ကြားသွားမည် ဖြစ်ကြောင်းသတင်းရရှိသည်။