မြန်မာအမျိုးသမီးများနေ့ အခမ်းအနား (တနင်္သာရီတိုင်းဒေသကြီး)
တနင်္သာရီတိုင်းဒေသကြီး၊ ထားဝယ်မြို့၊ မြို့တော်ခန်းမတွင် မြန်မာအမျိုးသမီးများနေ့ အခမ်းအနားကို (၃.၇.၂၀၂၄)ရက်နေ့၊ နံနက်(၉:၃၀)အချိန်၌ ကျင်းပဆောင်ရွက်ခဲ့ပါသည်။ အဆိုပါအခမ်းအနားတွင် တိုင်းဒေသကြီးဝန်ကြီးချုပ်ဦးမြတ်ကိုက ကျား/မ တန်းတူညီမျှမှုရှိရန်နှင့် မြန်မာအမျိုးသမီးများ၏ အခွင့်အရေးများကို ပိုမိုမြှင့်တင်ကာကွယ်စောင့်ရှောက်နိုင်မှုအတွက် နိုင်ငံတော်အနေနဲ့ ဘက်ပေါင်းစုံကတတ်နိုင်သ၍ ကြိုးပမ်းဆောင်ရွက်လျက်ရှိသလို အမျိုးသမီးထုကြီးနဲ့ အဖွဲ့အစည်းများမှလည်း သက်ဆိုင်ရာကဏ္ဍအသီးသီးကနေ ဝိုင်းဝန်းပူးပေါင်းဆောင်ရွက်ပေးကြရန်လိုအပ်ကြောင်း ပြောကြားခဲ့ပါသည်။ ထို့နောက် တိုင်းဒေသကြီး ဝန်ကြီးချုပ်ဦးမြတ်ကိုက ထူးချွန်အမျိုးသမီးများအား ဆုချီးမြှင့်ခြင်း၊ မြန်မာအမျိုးသမီးများနေ့ အထိမ်းအမှတ်မှတ်တမ်း Video ပြသခြင်းနှင့် ထားဝယ်မူလတန်းကြိုကျောင်းမှ သားငယ်သမီးငယ်များက “စည်းလုံးစို့လေ သွေးချင်းတို့ရဲ့ပြည်” တေးသီချင်းဖြင့် ဖျော်ဖြေတင်ဆက်ခြင်းတို့ကိုပြုလုပ်ခဲ့ပြီး တိုင်းဒေသကြီး ဝန်ကြီးချုပ်၊ တရားလွှတ်တော်တရားသူကြီးချုပ်၊ တိုင်းဒေသကြီးအစိုးရအဖွဲ့ဝင် ဝန်ကြီးများနှင့် ဌာနဆိုင်ရာတာဝန်ရှိသူများက ကြည့်ရှု့အားပေးခဲ့ပြီး အခမ်းအနားအား ရုပ်သိမ်းခဲ့ပါသည်။
