မွန်ပြည်နယ် အမျိုးသမီးကော်မတီမှကြီးမှူး၍ မြန်မာအမျိုးသမီးများနေ့ အခမ်းအနားကို (၃.၇.၂၀၂၄) ရက်၊ နံနက် (၀၉:၀၀) နာရီအချိန်တွင် မော်လမြိုင်မြို့၊ ပြည်နယ်ခန်းမ၌ ကျင်းပပြုလုပ်ခဲ့ပါသည်။ အခမ်းအနားတွင် မွန်ပြည်နယ်ဝန်ကြီးချုပ် ဦးအောင်ကြည်သိန်းက အဖွင့်အမှာစကားပြောကြားပြီး မြန်မာနိုင်ငံလုံးဆိုင်ရာအမျိုးသမီးကော်မတီမှပေးပို့လာသည့် မြန်မာအမျိုးသမီးများနေ့အထိမ်းအမှတ် Video Clip ပြသခြင်း၊ မွန်ပြည်နယ်အတွင်း ပညာရေးကဏ္ဍ၊ အားကစားကဏ္ဍ၊ လူမှုရေးကဏ္ဍများတွင် ထူးချွန်ခဲ့သော အမျိုးသမီး(၁၅) ဦးအားဂုဏ်ပြုဆုငွေ ကျပ်တစ်သိန်းစီနှင့် ဂုဏ်ပြုမှတ်တမ်းလွှာများပေးအပ်ချီးမြှင့်ခြင်း၊ မွန်ပြည်နယ် လူမှုဝန်ထမ်းရုံးနှင့် ကြီးကြပ်မှုအောက်ရှိ ဌာနငယ်ကျောင်းများမှ ဝန်ထမ်းများက “မြန်မာမလေး”တေးသီချင်းဖြင့်တေးသရုပ်ဖော်ဖျော်ဖြေကပြခြင်း၊ မွန်ပြည်နယ် အမျိုးသမီးရေးရာအဖွဲ့မှ “ဂုဏ်ယူဝင့်ကြွား မြန်မာအမျိုးသမီးများ”တေးသီချင်းဖြင့် ဖျော်ဖြေတင်ဆက်ခြင်း၊ မော်လမြိုင်မြို့ အားကစားနှင်ကာယပညာသိပ္ပံကျောင်းမှ သင်တန်းသူလေးများက “Fitness Dance” အသီးသီးဖျော်ဖြေတင်ဆက်ခဲ့ကြပါသည်။ ထို့နောက် မွန်ပြည်နယ် ဝန်ကြီးချုပ်က ဖျော်ဖြေတင်ဆက်သွားသည့်အဖွဲ့များအား ဂုဏ်ပြုဆုငွေများ ချီးမြှင့်၍ အခမ်းအနားကို နံနက် (၁၀:၁၀) အချိန်တွင် ရုပ်သိမ်းခဲ့ပါသည်။ 
    အခမ်းအနားအပြီးတွင် မွန်ပြည်နယ် ဝန်ကြီးချုပ်နှင့် ဧည့်သည်တော်များက ခန်းမတွင်းခင်းကျင်းပြသထားသော မွန်ပြည်နယ် လူမှုဝန်ထမ်းရုံးထမ်းရုံး၊ အိမ်တွင်းမှုသက်မွေးလုပ်ငန်းပညာသင်ကျောင်း၊ မွန်ပြည်နယ်အမျိုးသမီးရေးရာအဖွဲ့၊ မွန်ပြည်နယ်မိခင်နှင့် ကလေးစောင့်ရှောက်မှုကြီးကြပ်ရေးအဖွဲ၊ မွန်ပြည်နယ်အမျိုးသမီးများနှင့် ကလေးသူငယ်များဘဝမြှင့်တင်ရေးအဖွဲ့၊ နွေးထွေးသောရင်ခွင်အဖွဲ့တို၏ လှုပ်ရှားဆောင်ရွက်မှု မှတ်တမ်းဓါတ်များ၊ မော်လမြိုင်မြို့၊ အိမ်တွင်းမှုသက်မွေးပညာသင်ကျောင်းနှင့် အကြမ်းဖက်ခံရသော အမျိုးသမီးကလေးများအား တစ်နေရာတည်းတွင် ဝန်ဆောင်မှုပေးသည့်စင်တာ မော်လမြိုင် (OSWSC) တို့မှ အမျိုးသမီးငယ်များ၏ ထုတ်ကုန်များအား ကြည့်ရှုအားပေးခဲ့ကြပါသည်။