ပဲခူးတိုင်း၊ မတ်လ (၁) -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင်သည် တာဝန်ရှိသူများလိုက်ပါလျှက် မတ်လ(၁)ရက်နေ့တွင် ပဲခူးတိုင်းဒေသကြီး၊ ဇီးကုန်းမြို့ ဘိုးဘွားရိပ်သာသို့ ရောက်ရှိပြီး ငွေပဒေသာပင်အတွက် (၁၀)သိန်းကျပ်နှင့် မိသားစုသုံး ပစ္စည်းများကို ထောက်ပံ့ကန်တော့ပါသည်။

ဧရာဝတီတိုင်းဒေသကြီး၊   ဖေဖော်ဝါရီ (၂၉) -

    လူမှုကာကွယ်စောင့်ရှောက်ရေးဆိုင်ရာ လုပ်ငန်းကော်မတီဥက္ကဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင်သည် တာဝန်ရှိသူများ လိုက်ပါလျက် ဖေဖော်ဝါရီ(၂၉)ရက်နေ့တွင် ဧရာဝတီတိုင်းဒေသကြီး၊ ဒေးဒရဲမြို့နယ်၊ ဂုံမင်းကွင်းကျေးရွာအုပ်စု၊ ထိုင်ကူမြစ်တန်းကျေးရွာသို့ စက်လှေဖြင့်သွားရောက်ပြီး ဝန်ကြီးဌာနမှ (၄၅)သိန်းကျပ်ဖြင့် ဆောက်လုပ် ပြီးစီးသည်‌့ ဂိုး‌မြောင်းချောင်းကူး ကွန်ကရစ်တံတားဖွင့်ပွဲ အခမ်းအနားသို့ တက်ရောက်၍ ဖဲကြိုးဖြတ် ဖွင့်လှစ်ပေးကာ ကမ္ဗည်းမော်ကွန်းကို နံ့သာရည်ပက်ဖျန်းပေးပြီး ဒေသခံပြည်သူများအတွက် မိသားစုသုံး ပစ္စည်းများ ထောက်ပံ့ပေးပါသည်။

နေပြည်တော်၊ ဖေဖေါ်ဝါရီလ (၂၅) -

    (၁၅)ကြိမ်မြောက် အာဆီယံဒေသတွင်းဖိုရမ်၏ သဘာဝဘေးကယ်ဆယ်ရေးဆိုင်ရာ အစည်းအ‌ဝေးဖွင့်ပွဲ အခမ်းအနားကို ဖေဖော်ဝါရီလ (၂၅)ရက်နေ့၊ နံနက်(၉း၃၀)အချိန်တွင် နေပြည်တော်ရှိ သင်္ဂဟဟိုတယ်၌ ကျင်းပပြုလုပ်ရာ အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုလုပ်ငန်း ကော်မတီ ဥက္ကဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး၊ ဒေါက်တာဒေါ်မြတ်မြတ်အုန်းခင်၊ ဒုတိယဝန်ကြီးများ၊ ပူးတွဲဥက္ကဌများ ဖြစ်ကြသော တရုတ်နိုင်ငံနှင့် ဂျပန်နိုင်ငံမှ ကိုယ်စားလှယ်များ၊ အာဆီယံဒေသတွင်း ဖိုရမ်အဖွဲ့ဝင် နိုင်ငံများမှ ကိုယ်စားလှယ်များ၊ ဌာနဆိုင်ရာအသီးသီးမှ ကိုယ်စားလှယ်များ၊ ကုလသမဂ္ဂ အဖွဲ့အစည်းများ၊ နိုင်ငံတကာ အစိုးရမဟုတ်သော အဖွဲ့အစည်းများနှင့် ဖွံ့ဖြိုးရေး မိတ်ဖက် အဖွဲ့အစည်းများမှ ကိုယ်စားလှယ်များ စုစုပေါင်း (၁၅၀) ဦးခန့် တက်ရောက်ကြပါသည်။

မန္တလေး၊ ဖေဖေါ်ဝါရီလ (၂၁) -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင်သည် တာဝန်ရှိသူများ လိုက်ပါလျှက် ဖေဖေါ်ဝါရီလ (၂၁) ရက်နေ့တွင် မန္တလေးတိုင်းဒေသကြီး၊ မြင်းခြံမြို့သို့‌ရောက်ရှိပြီး စံချိန်စံညွှန်းမှီ ‌ဆောက်လုပ်ပြီးစီးသည်‌့ မြင်းခြံခရိုင် လူမှုဝန်ထမ်းဦးစီးမှူးရုံးနှင့် ဝန်ကြီးဌာန ဘတ်ဂျက်မှ (၁၀၉၅.၇၅) သိန်းကျပ်ဖြင့် ဆောက်လုပ်သည်‌့ မြင်းခြံ စံပြမူလတန်းကြိုကျောင်း ဖွင့်ပွဲအခမ်းအနားသို့ တက်ရောက်၍ ပြည်ထောင်စုဝန်ကြီး၊ မန္တလေးတိုင်းဒေသကြီး စီမံကိန်းနှင့် စီးပွားရေးဝန်ကြီး ဦးအောင်ဇံနှင့် လူမှုဝန်ထမ်းဦးစီးဌာန ညွှန်ကြားရေးမှူးချုပ် ဦးစိုးကြည်တို့က ဖဲကြိုးဖြတ်ဖွင့်လှစ်ပေးကာ ကမ္ဗည်းမော်ကွန်းကို နံ့သာရည် ပက်ဖျန်း၍ မူကြိုကလေးများကို လက်ဆောင်ပစ္စည်းများ ပေးအပ်ပါသည်။

နေပြည်တော်၊ ဖေဖေါ်ဝါရီလ (၁၉) -

      မီးဘေးသင့်ဒေသများ ပြန်လည်ထူထောင်ရေးအတွက် အလှူငွေပေးအပ်ပွဲ အခမ်းအနားကို ဖေဖေါ်ဝါရီလ(၁၉)ရက်နေ့၊ မွန်းလွဲ(၂)နာရီ အချိန်တွင် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန၊ နေပြည်တော်၌ ကျင်းပပြုလုပ်ရာ နမ့်ဆန်မြို့မီးဘေးသင့် ပြည်သူများအတွက် (၁၈၀)သိန်းကျပ်နှင့် လပွတ္တာမြို့ မီးဘေးသင့်ပြည်သူများအတွက် (၁၂၀)သိန်းကျပ် စုစုပေါင်း (၃၀၀)သိန်းကျပ် ကို တပ်မတော်(ကြည်း၊ရေ၊လေ) မိသားစုများကိုယ်စား တွဲဖက်စစ်ရေးချုပ် ဗိုလ်ချုပ်နေလင်းက ပေးအပ်ရာ အမျိုးသား သဘာဝဘေး အန္တရာယ်ဆိုင်ရာ စီမံခန့်ခွဲမှု လုပ်ငန်းကော်မတီ၊ ဥက္ကဌ၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင်က လက်ခံ၍ ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ကြောင်း သိရှိရပါသည်။

မြိတ်၊ ဖေဖေါ်ဝါရီလ (၁၅) -

     လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင်သည် တနင်္သာရီတိုင်းဒေသကြီး အစိုးရအဖွဲ့၊ ဝန်ကြီးချုပ် ဦးမြတ်ကို နှင့်အတူ ဖေဖေါ်ဝါရီလ(၁၅) ရက်နေ့တွင် မြိတ်မြို့မှ ပုလောမြို့နယ် ကျောက္ကာကျေးရွာသို့ ရေယာဉ်ဖြင့် သွားရောက်ပြီး မီးဘေးသင့် ပြည်သူများကို ရင်းရင်းနှီးနှီး တွေ့ဆုံအားပေးစကား ပြောကြားပါသည်။

မြဝတီ၊ ဖေဖော်ဝါရီလ (၁၄) -

      လူမှုကာကွယ်စောင့်ရှောက်ရေးဆိုင်ရာ လုပ်ငန်းကော်မတီ ဥက္ကဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ပြည်ထောင်စုဝန်ကြီး ဒေါက်တာဒေါ်မြတ်မြတ်အုန်းခင်သည် ဖေဖော်ဝါရီလ (၁၄)ရက်နေ့၊ နံနက်ပိုင်းတွင် ကရင်ပြည်နယ်၊ မြဝတီခရိုင်၊ စုကလိမြို့၊ ဆုံဆည်းမြိုင်ကျေးရွာသို့ ကွင်းဆင်း၍ ဝန်ကြီးဌာနမှ (၂၀၀)သိန်းကျပ် ထောက်ပံ့မှုဖြင့် D.K.B.A ငြိမ်းချမ်းရေးဌာနချုပ်တွင် မူလတန်းကြိုကျောင်း ဆောက်လုပ်ရန် ပန္နက်ရိုက်အခမ်းအနားသို့ တက်ရောက်ပါသည်။

နေပြည်တော်၊ ဖေဖေါ်ဝါရီလ(၉) -

          မီးဘေးသင့်နှင့် ရေဘေးသင့်ဒေသများ ပြန်လည်ထူထောင်ရေးအတွက် အလှူငွေများ ပေးအပ်ပွဲ အခမ်းအနားကို ဖေဖေါ်ဝါရီလ(၉)ရက်နေ့၊ နံနက်(၁၀)နာရီအချိန်တွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ နေပြည်တော်၌ ကျင်းပပြုလုပ်ရာ ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးကျော်လွင်က မိတ်ဆက်စကားပြောကြားပြီး Kookmin Bank and Korea Disaster Relief Association မှ တာဝန်ရှိသူများက ချင်းပြည်နယ် ရေဘေးသင့်ဒေသ ပြန်လည်ထူထောင်ရေး လုပ်ငန်းများအတွက် အမေရိကန်ဒေါ်လာ(၄၀၀၀၀)၊ နမ့်ဆန်မြို့ မီးဘေးသင့် ပြည်သူများအတွက် အမေရိကန်ဒေါ်လာ(၁၅၀၀၀)နှင့် လပ္ဂတ္တာမြို့ မီးဘေးသင့် ပြည်သူများအတွက် အမေရိကန် ဒေါ်လာ(၁၅၀၀၀) စုစုပေါင်း အမေရိကန်ဒေါ်လာ(၇၀၀၀၀) ကို ပေးအပ်ရာ အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှု လုပ်ငန်းကော်မတီ၊ ဥက္ကဌ၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင်က လက်ခံ၍ ဂုဏ်ပြုမှတ်တမ်းလွှာ ပေးအပ်ကာ ကျေးဇူးတင်စကား ပြန်လည်ပြောကြားပါသည်။

ဖျာပုံ၊ ဇန်နဝါရီလ (၃၁) -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင်သည် တာဝန်ရှိသူများ လိုက်ပါလျှက် ဇန်နဝါရီလ (၃၁) ရက်နေ့တွင် ဧရာဝတီတိုင်းဒေသကြီး၊ ဖျာပုံမြို့သို့ ရောက်ရှိပြီး (၇)ရပ်ကွက်၊ အမှတ်(၉) အခြေခံမူလတန်းကျောင်း ပင်မကျောင်းဆောင်သစ်နှင့် မူကြိုကျောင်းဆောင်သစ် ဖွင့်ပွဲအခမ်းအနားသို့ တက်ရောက်ပါသည်။

နေပြည်တော်၊ ဖေဖော်ဝါရီ ၂ ရက် -

        ၂၀၁၅ခုနှစ်၊ မြန်မာနိုင်ငံတွင်ဖြစ်ပွားခဲ့သည့် ရေကြီးရေလျှံမှုနှင့် မြေပြိုမှုများကြောင့် ဘေးဒုက္ခ ကြုံတွေ့ခဲ့ရသည့် ပြည်သူများအတွက် နိုင်ငံတော်မှ ဦးဆောင်၍ ဝန်ကြီးဌာနများ၊ တိုင်းဒေသကြီးနှင့် ပြည်နယ် အစိုးရအဖွဲ့များက သက်ဆိုင်ရာ ဘေးသင့်ဒေသများတွင် သဘာဝဘေးအန္တရာယ်ဆိုင်ရာ စီမံခန့်ခွဲမှု လုပ်ငန်းများကို အရှိန်အဟုန်ဖြင့် ဆောင်ရွက်လျက်ရှိရာ ယင်းလုပ်ငန်းများတွင် အသုံးပြုနိုင်ရန်အတွက်  ထိုင်ဝမ်နိုင်ငံ အခြေစိုက် E. SUN BANK မှ CEO Mr.James Chen နှင့် တာဝန်ရှိ ပုဂ္ဂိုလ်များက အလှူငွေ ကျပ်သိန်း(၁၀၀၀)ကို (၂-၂-၂၀၁၆)ရက်နေ့ နံနက်(၁၀း၀၀)အချိန်က လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၌ လာရောက်လှူဒါန်းခဲ့ရာ အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ အတွင်းရေးမှူး၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ဒုတိယဝန်ကြီး ဦးဘုန်းဆွေက လက်ခံရယူခဲ့ပါသည်။