နေပြည်တော်၊ ဇူလိုင် ၃ -

      ယနေ့ နံနက် ၉နာရီတွင် နေပြည်တော်ရှိ မြန်မာအမျိုးသမီးရေးရာအဖွဲ့ချုပ် အစည်းအဝေးခန်းမ၌ မြန်မာအမျိုးသမီးများနေ့အခမ်းအနားကို ကျင်းပရာ ဂုဏ်ထူးဆောင်နာယကများဖြစ်ကြသော ဒုတိယသမ္မတ ဒေါက်တာစိုင်းမောက်ခမ်း၏ဇနီး ဒေါ်နန်းရွှေမှုန်နှင့် ဒုတိယသမ္မတ ဦးဉာဏ်ထွန်း၏ ဇနီး ဒေါ်ခင်အေးမြင့်၊ နာယက ဒေါ်နီနီဝင်း၊ ဒေါ်ကျင်ခိုင်နှင့် ဒေါ်မြသိင်္ဂ ီ၊ အဖွဲ့ချုပ်ဥက္ကဌ၊ ပြည်ထောင်စုဝန်ကြီး ဒေါက်တာဒေါ်မြတ်မြတ်အုန်းခင်၊ ဒုတိယဝန်ကြီးများ၊ ပြည်သူ့လွှတ်တော် လူမှုဖွံ့ဖြိုးတိုးတက်ရေးကော်မတီဥက္ကဌနှင့် အတွင်းရေးမှူး၊ အမျိုးသား လွှတ်တော် အမျိုးသမီးနှင့် ကလေးသူငယ်ဆိုင်ရာ ကော်မတီအတွင်းရေးမှူး၊ ဗဟိုအလုပ်အမှုဆောင်များ၊ တိုင်းဒေသကြီး/ ပြည်နယ် အမျိုးသမီးရေးရာအဖွဲ့ နာယကများ၊ မိခင်နှင့်ကလေးစောင့်ရှောက်ရေးအသင်း ဥက္ကဌနှင့် ဗဟိုအလုပ်အမှုဆောင်အဖွဲ့များ၊ တာဝန်ရှိသူများနှင့် ဖိတ်ကြားထားသော ဧည့်သည်တော်များ တက်ရောက်ကြသည်။

မကွေးတိုင်းဒေသကြီး ၊ ၁၅.၁၀.၂၀၁၇ ၂၀၁၈ခုနှစ် ၊ အောက်တိုဘာလ(၁၅)ရက်နေ့တွင် ကျရောက်သော အပြည်ပြည်ဆိုင်ရာ မျက်မမြင်လမ်းလျှောက်တုတ်နေ့ အခမ်းအနားကို မကွေးတိုင်းဒေသကြီးအစိုးရအဖွဲ့၏ ဦးဆောင်မှုဖြင့် မကွေးမြို့တွင် ကျင်းပပြုလုပ်ရာ တိုင်းဒေသကြီးအစိုးရအဖွဲ့ လူမှုရေးဝန်ကြီးဒေါက်တာခင်မောင်အေးမှ မျက်မမြင်လမ်းလျှောက်တုတ်နေ့ အထိမ်းအမှတ်လမ်းလျှောက်ပွဲတွင် ပါဝင်ဆင်နွဲသူများအား အားပေးစကားပြောကြားကာ ယင်းနေ့ နံနက်(ရးဝဝ)နာရီမှ စတင်၍ မကွေးမြို့၊ ကျောင်းထိုင်ဘုန်းကြီးသင်တန်းကျောင်းမှ စတင် ထွက်ခွါပြီး ပြည်တော်သာလမ်းတစ်လျှောက် လမ်းလျှောက်၍ ဗိုလ်ချုပ်ပန်းခြံတွင်ပန်းဝင်ခဲ့ပါသည်။

နေပြည်တော်၊ ဇွန် ၂၉ -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ဒေါ်မြတ်မြတ်အုန်းခင်သည် ဇွန် ၂၇ရက် နံနက်ပိုင်းတွင် ရန်ကုန်မြို့၊ ကျိုက်ဝိုင်းဘုရားလမ်းရှိ ဗဟိုကယ်ဆယ်ရေး ဂိုဒေါင်ရေဝင်ရောက်မှုကြောင့် ပြန်လည်ပြင်ဆင်ထားမှုအခြေအနေများအား ကြည့်ရှုပြီး လိုအပ်သည်များ လမ်းညွှန် မှာကြားသည်။

နေပြည်တော်၊ ဇွန် ၂၅ -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး၊ ဒေါက်တာ ဒေါ်မြတ်မြတ်အုန်းခင်သည် ယနေ့မွန်းလွဲ ၂နာရီတွင် နေပြည်တော်ကောင်စီဝင်း ဇမ္ဗူသီရိခန်းမ၌ ကျင်းပသော နေပြည်တော်ကောင်စီအတွင်းရှိ စေတနာ့ဝန်ထမ်းအဖွဲ့အစည်းများအား ၂၀၁၄-၂၀၁၅ ဘဏ္ဍာနှစ်ထောက်ပံ့ငွေ ပေးအပ်ပွဲနှင့် လူမှုစောင့်ရှောက်ရေးစေတနာ့ဝန်ထမ်း လူငယ်များနှင့် သဘာဝဘေးလျော့ပါးစေတနာ့ဝန်ထမ်း လူငယ်များနည်းပြသင်တန်း(၆/၂၀၁၄)ဖွင့်ပွဲအခမ်းအနား၌ အမှာစကားပြောကြားပါသည်။
ထို့နောက် နေပြည်တော်ကောင်စီဝင် ဦးသန်းဌေးက အမှာစကားပြောကြားပြီး စေတနာ့ဝန်ထမ်းလူငယ်များ စီမံကိန်းအကြောင်းကို တာဝန်ရှိသူတို့က ရှင်းလင်းတင်ပြသည်။

နေပြည်တော်၊ ဇွန် ၂၂ -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာ ဒေါ်မြမြအုန်းခင်သည် ဇွန် ၂၁ရက် ညနေပိုင်းတွင် ပဲခူးတိုင်းဒေသကြီး တောင်ငူမြို့ အမှတ်(၂)ရက်ကွက်၌ မူလတန်းကြိုကျောင်းဆောက်လုပ်မည့်မြေနေရာနှင့် အမှတ်(၁)ရပ်ကွက်၌ တောင်ငူခရိုင် ကယ်ဆယ်ရေးနှင့် ပြန်လည်နေရာချထားရေးဂိုဒေါင်တည်ဆောက်မည့်မြေနေရာတို့ကို ကြည့်ရှုစစ်ဆေးသည်။

ရန်ကုန်၊ ဇွန် ၁၀ -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက ဧရာဝတီတိုင်းဒေသကြီး၊ ဟင်္သာတခရိုင် နှင့် မအူပင်ခရိုင်အတွင်း စေတနာ့ဝန်ထမ်း အဖွဲ့အစည်းများအား ၂၀၁၄-၄၂၁၅ဘဏ္ဍာရေးနှစ် ထောက်ပံ့ငွေပေး အပ်ပွဲအခမ်းအနားကို ဇွန် ၈ရက်နံနက် ၁၀နာရီတွင် ဟင်္သာတမြို့ ဆည်မြောင်းရိပ်သာ မြနန္ဒီခန်းမ၌ ကျင်းပရာ ပြည်ထောင်စုဝန်ကြီး ဒေါက်တာဒေါ်မြတ်မြတ်အုန်းခင်က အမှာစကားပြောကြားပြီး ဟင်္သာတခရိုင်နှင့် မအူပင်ခရိုင် ရှိ ဘိုးဘွားရိပ်သာနှစ်ခု လူငယ်ဖွံ့ဖြိုးရေးပရဟိတဂေဟာ(၅)ခုနှင့် ကိုယ်အားကိုယ်ကိုးမူလတန်းကြိုကျောင်း (၁၅) ကျောင်းတို့အတွက် စုစုပေါင်းငွေကျပ် သိန်း ၃၉၈ ဒသမ ၄၈သိန်းကို တာဝန်ရှိသူများထံ ပေးအပ်ထောက်ပံ့သည်။

နေပြည်တော်၊ ဇွန် ၂ -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ဝန်ကြီးဌာနက ဧရာဝတီတိုင်းဒေသကြီး၊ ပုသိမ်၊ မြောင်းမြနှင့် လပွတ္တာခရိုင် အတွင်းရှိ စေတနာ့ ဝန်ထမ်းအဖွဲ့အစည်းများအား (၂၀၁၄-၂၀၁၅) ဘဏ္ဍာရေးနှစ် ထောက်ပံ့ငွေ ပေးအပ်ပွဲအခမ်းအနားကို မေ ၃၁ရက် နံနက် ၁၀ နာရီတွင် ပုသိမ်မြို့ ပုသိမ်ဟိုတယ်၌ ကျင်းပရာ ပြည်ထောင်စုဝန်ကြီး ဒေါက်တာ ဒေါ်မြတ်မြတ်အုန်းခင် တက်ရောက်၍ ပုသိမ်မြို့နယ် စက်တော်ရာဘိုးဘွားရိပ်သာ အတွက် ငွေကျပ် ၃၀ ဒသမ ၆၁သိန်းနှင့် ကန်သုံးဆင့်လူငယ်ဖွံ့ဖြိုးရေး ပရဟိတဂေဟာအတွက် ငွေကျပ် ၆၄ ဒသမ၁၉သိန်း၊ ငပုတောမြို့နယ် ရွှေကျောင်းတိုက် လူငယ်ဖွံ့ဖြိုးရေး ပရဟိတ ဂေဟာအတွက် ငွေကျပ်၅၈သိန်း ဒသမ ၄၃သိန်း၊ ကျုံပျော်မြို့နယ် ရေစခန်းလူငယ်ဖွံ့ဖြိုးရေး ပရဟိတဂေဟာအတွက် ငွေကျပ် ၄၀ ဒသမ ၁၀သိန်း၊ ပုသိမ်ခရိုင်အတွင်းရှိ ကိုယ့်အားကိုယ်ကိုး မူလတန်းကြိုကျောင်း (၂၉)ကျောင်းအတွက်

နေပြည်တော်၊ ဇန်နဝါရီ ၂၂ -

      (၇)ကြိမ်မြောက် အာဆီယံ မသန်စွမ်းသူများ အားကစားပြိုင်ပွဲတွင် နိုင်ငံ့ကိုယ်စားပြု ပါဝင်ယှဉ်ပြိုင်ခဲ့သည့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနမှ အောင်ပွဲရ မသန်စွမ်း အားကစားသမားများအား ဂုဏ်ပြုပွဲ အခမ်းအနားကို ယနေ့နံနက် ၉နာရီတွင် အားကစားရွာ ကျင်းပသည်။ အခမ်းအနားတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဒေါ်မြတ်မြတ်အုန်းခင်က (၇)ကြိမ်မြောက် အာဆီယံမသန်စွမ်း အားကစား ပြိုင်ပွဲတွင် မြန်မာနိုင်ငံ ကိုယ်စားပြု မသန်စွမ်း အားကစားသမားများသည်  ရွှေတံဆိပ် ၃၄ခု ၊ ငွေတံဆိပ် ၂၆ ခု၊ ကြေးတံဆိပ် ၃၆ ခု ရရှိခဲ့ကြောင်း။

နေပြည်တော်၊ ဇန်နဝါရီ (၂၁)ရက် -

      မြန်မာနိုင်ငံသည် ကလေးသူငယ်အခွင့်အရေးများဆိုင်ရာ ကုလသမဂ္ဂသဘောတူစာချုုပ် (United Nations Convention on the Right of the Child)အဖ့ွဲဝင်နိုင်ငံဖြစ်သည့် အားလျှော်စွာကလေး သူငယ်များအတွက် အဓိကအခွင့်အရေး (၄) ရပ်ဖြစ်သည့် အသက်ရှင်သန်ခွင့်၊ ဖွံ့ဖြိုးတိုးတက်ခွင့်၊ အကာအကွယ်ရရှိခွင့် နှင့် ပါဝင်ဆောင်ရွက်ခွင့်တို့ကို အပြည့်အ၀ ခံစားနိုင်စေရန် အကောင်အထည်ဖော်ခြင်း ၊စောင့်ကြည့်ကြီးကြပ်ခြင်း နှင့် အစီရင်ခံတင်ပြခြင်း လုပ်ငန်း(၃)ရပ်ဖြင့် ဆောင်ရွက်လျက်ရှိပါကြောင်းဖြင့် ကလေးသူငယ်အခွင့်အရေးများဆိုင်ရာ အမျိုးသားကော်မတီဥက္ကဌ၊လူမှုဝန်ထမ်း၊ ကယ်ဆယ်ရေး နှင့်ပြန်လည်နေရာချထားရေးဝန်ကြီးဌာန ဝန်ကြီး ဒေါက်တာဒေါ်မြတ်မြတ်အုန်းခင်က ယနေ့နံနက် ၁၀ နာရီတွင် အဆိုပါဝန်ကြီးရုံး စုပေါင်းအစည်းအဝေးခန်းမ၌ကျင်းပသည့် ကလေးသူငယ်အခွင့်အရေးများဆိုင်ရာ အမျိုးသားကော်မတီ (၁/၂၀၁၄) အစည်းအဝေး ၌ ပြောကြားခဲ့သည်။

နေပြည်တော်၊ ဇန်နဝါရီ (၈)ရက် -

      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဒေါ်မြတ်မြတ်အုန်းခင်သည် ဒုတိယဝန်ကြီး ဒေါ်စုစုလှိုင်နှင့်အတူယနေ့မွန်းလွဲ ၁နာရီတွင် နေပြည်တော်အားကစားရွာ၌ (၇)ကြိမ်မြောက် အာဆီယံမသန်စွမ်းအားကစားပြိုင်ပွဲတွင် ပါဝင်ယှဉ်ပြိုင်မည့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ နိုင်ငံ့ကိုယ်စားပြု မသန်စွမ်းအားကစားသများအား တွေ့ဆုံအားပေးစကား ပြောကြားခဲ့ကြောင်း သတင်းရရှိသည်။